ساۋىردە كولىكتى تىركەۋ مەرزىمى 30 قىركۇيەككە دەيىن ۇزارتىلعان ەدى. بۇگىن رۇقسات مەرزىمى ءبىتتى، دەپ حابارلايدى almaty-akshamy.kz zakon.kz سىلتەمە جاساپ.
ەندى شەتەلدە تىركەلگەن كولىكتەردى كەدەندىك باج سالىعىن تولەپ، ءبىزدىڭ ەلدە تىركەۋ كەرەك نەمەسە قازاقستان شەكاراسىنان عانا ەمەس، ەەو اۋماعىنان شىعارۋ قاجەت.
كەدەندىك تالاپتى بۇزعانداردى پوليسيا ىزدەپ، كولىكتەر ايىپتۇراققا قويىلادى. يەسى كەدەندىك باجدى تولىق تولەۋگە مىندەتتەلەدى.
قارجى مينيسترلىگى مەملەكەتتىك كىرىستەر كوميتەتىنىڭ مالىمەتىنشە، ۋاقىتشا ءجۇرۋ مەرزىمى ەندى ۇزارتىلمايدى.
كەدەنشىلەردىڭ ايتۋىنشا، قازاقستان ازاماتتارى بەلارۋس پەن رەسەيدىڭ كولىك قۇرالدارىن ۋاقىتشا اكەلۋ مەرزىمىن ەسكەرمەي، ەەو اۋماعىندا سەنىمحات ارقىلى پايدالانا الادى. ال ارمەنيا مەن قىرعىزستاننان اكەلىنگەن كولىكتەردى سەنىمحات ارقىلى باسقارۋعا قۇقىعى جوق.
ەلدەن شىعارۋ تۋرالى مىندەتتەمەنىڭ قازاقستاندا ۋاقىتشا تىركەلگەن ارمەنيالىق اۆتوكولىكتەرگە (ا سەريالى سارى ءنومىر) قاتىسى جوق.
مەملەكەتتىك كىرىستەر كوميتەتىنىڭ دەرەگى بويىنشا، 2020 جىلى ناۋرىزدان باستاپ (ەلىمىزدە توتەنشە جاعداي ەنگىزىلگەننەن بەرى) قازاقستانعا 4 708 شەتەلدىك اۆتوكولىك ۋاقىتشا كىرگىزىلگەن. ءقازىر ولاردىڭ 500ء-ى باقىلاۋدا. ولار ءازىربايجان، اۋعانستان، بوسنيا جانە گەرسەگوۆينا، گەرمانيا، گرۋزيا، يسلانديا، يسپانيا، ليتۆا، پولشا، سلوۆەنيا، تاجىكستان، تۇركىمەنستان، وزبەكستان، ۋكراينا مەن فرانسيادان جەتكىزىلگەن.