رەسەيدە مالىمەتتەر قورىنا جۇكتەلگەن Omicron BA.1 گەنومدارىنىڭ ۇلەسىندە Spike:R346K مۋتاسياسى بار ەكەنى بايقالدى.
بۇل جونىندە روسپوترەبنادزوردىڭ ورتالىق ەپيدەميولوگيا عىلىمي-زەرتتەۋ ينستيتۋتىنىڭ سەكۆەنيرلەۋ تەحنولوگيالارىنا نەگىزدەلگەن جاڭا دياگنوستيكالىق ادىستەردى ازىرلەۋ جونىندەگى عىلىمي توپتىڭ جەتەكشىسى، كاميل حافيزوۆ ءمالىم ەتتى، دەپ حابارلايدى Almaty-akshamy.kz «يزۆەستيا». باسىلىمىنا سىلتەمە جاساپ.
ونىڭ ايتۋىنشا، Omicron BA.1 نەگىزگى جەلىسىندە سالىستىرمالى تۇردە از عانا گەنەتيكالىق ارتۇرلىلىك جيناقتالعان.
«سپايك اقۋىزىندا سەكۆەنيرلەۋ ناتيجەلەرى بويىنشا جاڭا الىنعان مۋتاسيالار -R346k - S اقۋىزىنىڭ فراگمەنتى تابىلدى، (بۇرىن «ميۋ» نۇسقاسىندا تابىلعان) ونىڭ كومەگىمەن ۆيرۋس ادام جاسۋشاسىنىڭ بەتىندەگى رەسەپتورعا قوسىلادى»،-دەدى حافيزوۆ.
عالىمدار رەسەي عىلىم اكادەمياسىنىڭ «تىرشىلىك تۋرالى عىلىمدار» عىلىمي كەڭەسىنىڭ Omicron-عا ارنالعان وتىرىسى اياسىندا حابارلاعانداي، سپايك اقۋىزىنداعى R346K مۋتاسياسى بار BA.1 نۇسقاسى BA.1.1 دەپ بەلگىلەندى.
ونىڭ قاۋىپتىلىگى سول - ءبىرقاتار ماماندار بۇل مۋتاسيا ۆيرۋستىڭ انتيدەنەلەرگە ۇستاتپاي كەتۋىنە سەپتىگىن تيگىزەدى دەپ الاڭداۋلى.
الايدا ورتالىق ەپيدەميولوگيا عىلىمي-زەرتتەۋ ينستيتۋتى بۇل اقپاراتتى راستامادى. كاميل حافيزوۆتىڭ ايتۋىنشا، ونىڭ جۇقپالىلىعىنا، اۋرۋدىڭ اعىمىنا جانە ەمدەلۋگە اسەر ەتەتىنى تۋرالى ەشقانداي دالەل جوق.
«ءارتۇرلى دەرەككوزدەرگە سايكەس، وسى مۋتاسيامەن Omicron جيىلىگىنىڭ ۇلعايۋ جىلدامدىعى BA.1 جەلىسىنىڭ باسقا تۇرلەرىمەن شامامەن بىردەي، سوندىقتان تارالۋى تۇرعىسىنان ايتارلىقتاي ارتىقشىلىقتار بولماۋى مۇمكىن»، دەدى «يزۆەستياعا» سۇحبات بەرگەن كاميل حافيزوۆ.
عالىمدار بۇل قوسالقى نۇسقانىڭ قوسىمشا زەرتتەۋدى قاجەت ەتەتىنىن اتاپ ءوتتى.