جۇرگىزۋشى جىرتقىشتاردى وزبەكستاندىق سيرككە اپارا جاتقان
رەسەيدەن ءتورت قونجىقتى رۇقساتسىز اكەتىپ بارا جاتقان ازامات ۇستالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قۇجات بويىنشا زيتا، گيتا، چۋك جانە گەك دەپ اتالاتىن ەكى ايلىق قونجىقتار ورىنبور وبلىسى كەدەنشىلەرى ساگارچين اۋىلى ماڭىندا توقتاتقان كولىكتىڭ ىشىنەن تابىلعان. جۇرگىزۋشىنىڭ قولىندا اتالعان اڭداردى رەسەي اۋماعىنان شىعارۋعا رۇقسات قۇجاتى بولماعان.
قوڭىر ايۋ - جەر بەتىنەن جوعالىپ بارا جاتقاندىقتان قىزىل كىتاپقا ەنگىزىلگەن، جابايى فاۋنا مەن فلورا تۇرلەرىنىڭ حالىقارالىق ساۋدا كونۆەنسياسى اياسىندا قورعالاتىن جانۋار.
قۇجات بويىنشا جەرگىلىكتى سىزراندىق كاسىپكەر ونى وزبەكستان ازاماتىنا سىيلاعان. جۇرگىزۋشىنىڭ سوزىنە سەنسەك، ول جىرتقىشتاردى وزبەكستاندىق سيرككە اپارا جاتقان. قازىرگى تاڭدا رەسەي قىلمىستىق كودەكسىنىڭ 226-بابى 1ء-بولىمى بويىنشا تەرگەۋ ءجۇرىپ جاتىر.