رەفەرەندۋم دەگەنىمىز دەموكراتيانىڭ ءبىر كورىنىسى

كونستيتۋسيالىق سوت قۇرىلادى

بۇل تۋرالى ققدي ساراپشىسى، ساياساتتانۋشى باۋىرجان سەرىكبايەۆ ايتتى، دەپ حابارلايدى Almaty-akshamy.kz.

«پرەزيدەنتىمىز رەفەرەندۋم وتكىزۋ قاجەتتىگىن اتاپ ءوتتى. دەمەك رەفەرەندۋم ارقىلى رەفورمالاردىڭ بارلىعى حالىقتىڭ تاڭداۋىنا ۇسىنىلاتىن بولادى. رەفەرەندۋم دەگەنىمىز دەموكراتيانىڭ ءبىر كورىنىسى. سوڭعى ۇسىنىلىپ جاتقان وزگەرىستەرگە سايكەس اۋداندىق، قالالىق ءماسليحاتتار ازاماتتاردىڭ ءوزىن-وزى ۇسىنۋى بويىنشا سايلانادى. وبلىستىق ءماسليحاتتار  50%-ى پارتيالىق، 50%-ى موجاريتارلىق جۇيە بويىنشا سايلانادى»،-دەدى ول.

الداعى ۋاقىتتا وبلىس اكىمدەرى جاناما سايلاۋ بويىنشا تاڭدالادى. ياعني، سول وبلىستان كەمى ەكى كانديدات ۇسىنىلىپ، ءماسليحات دەپۋتاتتارىنىڭ داۋىس بەرۋىمەن شەشىلەدى. سونىمەن قاتار كونستيتۋسيالىق سوت قۇرىلادى. كونستيتۋسيالىق قۇقىعىم بۇزىلدى دەگەن كەز كەلگەن ازامات اتالعان سوتقا شاعىمدانا الادى. ادام قۇقىقتارى جونىندەگى وكىلدىڭ قۇزىرەتتەرى دە كونستيتۋسيادا بەلگىلەنەدى. 

«رەفەرەندۋم ارقىلى حالىقتىڭ پىكىرىمەن ساناسۋ دۇرىس باعىت. سەبەبى، حالقىمىزبەن اقىلداسىپ، ءار ازاماتتىڭ پىكىرىن ەسكەرۋ ارقىلى عانا  جاڭا قازاقستاندى قۇرا الامىز»،-دەدى ساراپشى.