«ارحيۆ-2025» باعدارلاماسى اياسىندا قازاقستاننىڭ ۇلتتىق قولجازبالار جانە سيرەك كىتاپتار ورتالىعى رەسەيدەن تابىلعان ماڭىزدى تاريحي قۇجاتتىڭ كوشىرمەسىن جاريالادى. بۇل تۋرالى ق ر مادەنيەت جانە اقپارات مينيسترلىگىنىڭ باسپا ءسوز قىزمەتى حابارلادى.
2022 جىلى ماسكەۋگە جاسالعان عىلىمي-زەرتتەۋ ساپارى بارىسىندا ۇلتتىق ورتالىقتىڭ ماماندارى XVII عاسىردىڭ پارسى تىلىندەگى «تاريح» قولجازباسىن زەرتتەگەن. قولجازبادا قازاق حاندىعىنىڭ جانە ونىڭ شىعىس تۇركىستانداعى موعول بيلەۋشىلەرىمەن قارىم-قاتىناسى تۋرالى دەرەكتەر كەلتىرىلگەن.
اتالعان كىتاپ مۇحاممەد حايدار دۋلاتتىڭ «تاريح-ي راشيدي» ەڭبەگىنىڭ جالعاسى رەتىندە ۇسىنىلعان جانە قازاق حاندىعىنىڭ تاريحىن زەرتتەۋدە ەرەكشە ماڭىزدى. قولجازبا اۆتورى شاح ماحمۋد يبن ميرزا فازىل چۋراس، ول موعولستان تاريحى بويىنشا بىرنەشە ەڭبەكتىڭ اۆتورى رەتىندە تانىلعان، ءارى بۇل قۇندى دەرەك 30 جىلعا جۋىق جازىلعان. ونىڭ «تاريح» ەڭبەگى شىعىس تۇركىستان، قىرعىزستان، قازاقستان جانە ورتا ازيا حالىقتارىنىڭ تاريحى تۋرالى مول مالىمەتتەردى قامتيدى.
قولجازبا العاش رەت 1913 جىلى تاشكەنتتە باقي-جانبايدىڭ جەكە قولجازبا قورىنان تابىلعان.