رەسەيدەگى ءتۋرنيردىڭ العاشقى ويىنىندا «بارىس» جەڭىسكە جەتتى

ەسەپ: 3:1

ەلوردالىق «بارىس» شايبالى حوككەيدەن چەليابينسك وبلىسى گۋبەرناتورىنىڭ كۋبوگىنداعى العاشقى ويىنىن وتكىزدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
قازاقستاندىق كوماندا اتالعان تۋرنيردەگى ءبىرىنشى ويىنىن رەسەيدىڭ «اۆتوموبيليست» (ەكاتەرينبۋرگ) كلۋبىنا قارسى وتكىزدى.
ويىننىڭ 9-مينۋتىندا «بارىس» ساپىنان نيكيتا ميحايليس ەسەپ اشتى. بۇدان كەيىن ەكى كوماندانىڭ دا ەسەپتى وزگەرتەتىن بىرنەشە مۇمكىندىگى بولعان ەدى.
ەكىنشى كەزەڭدە دە تابلوداعى ەسەپ وزگەرىسسىز قالدى.
ءۇشىنشى كەزەڭنىڭ 49-مينۋتىندا رەسەيلىك كلۋبتان برۋكس مەيسەك تارازى باسىن تەڭەستىرسە، نيكيتا ميحايليس 51-مينۋتتا «بارىستى» قايتادان العا شىعاردى.
ەلوردالىق كلۋب قارسىلاسىنان 3:1 ەسەبىمەن باسىم ءتۇستى.
ەندى «بارىس» حوككەيشىلەرى 25 تامىزدا «تراكتور» (چەليابينسك)، 27 تامىزدا «مەتاللۋرگ» (ماگنيتوگورسك) كوماندالارىمەن شەبەرلىك بايقاسادى.
سونداي-اق، بۇگىن «تراكتور» جانە «مەتاللۋرگ» كوماندالارى ءوزارا كەزدەسەدى.
ەسكە سالساق، بۇدان بۇرىن ەلوردادا وتكەن ق ر پرەزيدەنتى كۋبوگىندا «بارىس» جەڭىمپاز اتاندى.
اتالعان تۋرنيردە ەلوردالىق كلۋب «اۆتوموبيليستكە» 3:4 ەسەبىمەن جول بەردى.