فۋتبولدان ەل بىرىنشىلىگىندە ءاربىر تۋر بەلگىلى ارداگەرلەرگە ارنالادى

فۋتبول ليگاسى 

فۋتبولدان قازاقستان بىرىنشىلىگىنىڭ الداعى ءاربىر تۋرى ەلىمىزدىڭ بەلگىلى فۋتبولشىلارىنىڭ قۇرمەتىنە ارنالادى، دەپ حابارلايدى Almaty-akshamy.kz قازاقپارات-قا سىلتەمە جاساپ.
بۇل جونىندە قازاقستان كاسىپقوي فۋتبول ليگاسىنىڭ پرەزيدەنتى روحۋس شوح ءمالىم ەتتى.
ونىڭ ايتۋىنشا، ءقازىر ەلىمىزدىڭ جاس جانكۇيەرلەرى كەزىندە جاسىل الاڭدا جارقىلداپ كوزگە تۇسكەن كوپتەگەن ارداگەر فۋتبولشىلاردى بىلە بەرمەيدى. اتاپ ايتقاندا، اناتوليي يونكين، سەيىلدى بايشاقوۆ، ەۆستافيي پەحليەۆانيدي، قۇرالبەك وردابايەۆ، ۆيكتور ابگولس سىندى فۋتبولشىلار جوعارى دەڭگەيدە ويىن كورسەتتى. ەندى ولاردى جاستاردىڭ اراسىندا دارىپتەۋىمىز قاجەت.
الداعى 17-تۋر فاناس ساليموۆتى ەسكە الۋعا ارنالادى.
ءسالىموۆ كسرو بىرىنشىلىگىندە الماتىلىق «قايرات» ساپىندا ونەر كورسەتىپ، اسا كەڭىنەن تانىمال بولدى. وداق ىدىراعاننان كەيىن ول ۋكراينا چەمپيوناتىنا اۋىسىپ، بۇل ەلدىڭ «ۆورسكلا»، «نيۆا»، «ەلۆيس»، «كريۆباسس» جانە «نيكولايەۆ» كوماندالارىندا ونەر قورسەتتى. قازاقستاندا «ەكىباستۇز»، «جىگەر»، «جەتىسۋ»، «شاحتەر»، «تاراز» جانە «ورداباسى» سىندى كلۋبتاردىڭ نامىسىن قورعادى.
ويىن مانسابىن اياقتاعاننان كەيىن فاناس ناگيموۆيچ تورەشى جانە ينسپەكتور رەتىندە فۋتبولداعى قىزمەتىن جالعاستىردى.
2021 جىلدىڭ 27 تامىزىندا ساليموۆ ومىردەن وزدى.
الداعى 17-تۋر 29 جانە 30 تامىز كۇندەرى وتكىزىلەدى.
ەسكە سالساق، بۇدان بۇرىن فۋتبولدان ەل بىرىنشىلىگىندە «اقتوبە» كوش باسىنا شىقتى.