رەسەيدە تىركەۋدە بولماعان كولىكتەر جالعان رەسەيلىك نومىرلەرمەن ەلگە كىرگىزىلىپ جاتىر
بۇل تۋرالى اكىمشىلىك پوليسيا كوميتەتى ءتوراعاسىنىڭ ورىنباسارى سەرىك ءتۇسىپوۆ ۆەدومستۆونىڭ اقپارات الاڭىندا وتكەن ونلاين بريفينگىندە ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ىشكى ىستەر مينيسترلىگى شەتەلدىك تىركەۋى بار كولىكتەردى ساتىپ الۋدىڭ بىرنەشە تاۋەكەلى بار ەكەنىن ەسكە سالادى. بىرىنشىدەن، جۇرگىزۋشىلەرگە بۇۇ-نىڭ جول قوزعالىسى تۋرالى كونۆەنسياسىنىڭ تالاپتارىن ساقتاۋ كەرەكتىگىن ەسكەرگەن ءجون. ول بويىنشا سىرتتان اكەلىنگەن كولىكتەر قازاقستان اۋماعىندا تىركەۋسىز ءبىر جىل عانا جۇرە الادى. بۇل ۋاقىت بىتكەندە، ولار ەل اۋماعىنان سىرتقا شىعارىلۋى كەرەك. ەگەر ول تالاپ ورىندالماسا، كولىك يەسىنە اكىمشىلىك شارا قولدانىلادى»، - دەيدى كوميتەت وكىلى.
سونداي-اق، ول شەتەلدەن اكەلىنگەن كولىكتى تەكسەرۋسىز الۋدىڭ سوڭى قىلمىستىق جاۋاپكەرشىلىككە اپارۋى مۇمكىن ەكەنىن ەسكەرتتى.
«تاعى ءبىر ەسكەرەتىن تاۋەكەل – قىلمىستىق قۋدالاۋعا ءتۇسۋ تاۋەكەلى. قازاقستاندىق ساتىپ الۋشىنىڭ شەتەلدەن اكەلىنەتىن كولىكتىڭ قۇجاتتارىنىڭ شىنايىلىعىن، ۇرلانعان نەمەسە بۇعاتقا قويىلعان كولىك ەكەنىن انىقتاۋ مۇمكىندىگى جوق. مۇنداي تاۋەكەل شەتەلدەن اكەلىنەتىن كولىكتەردىڭ بارىندە بولۋى مۇمكىن. سالدارىنان اقشاعا ساتىپ العان كولىك تاركىلەنىپ، الۋشىنىڭ ۇستىنەن دە قىلمىستىق ءىس قوزعالۋى مۇمكىن. مىسالى، تەكسەرۋ كەزىندە وسى ايدىڭ باسىنان بەرى وسكەمەن، پەتروپاۆل، سەمەي قالالارىندا تىركەۋ قۇجاتتارى مەن ءنومىرى قولدان جاسالعان 80 رەسەيلىك اۆتوماشينا انىقتالدى. ياعني، قازاقستاندىق ساتىپ الۋشى كولىگى رەسەيدە تىركەلگەنىنە سەنىمدى بولعانىمەن، رەسەي فەدەراسياسى كەدەن قىزمەتىمەن ەشبىر تىركەۋدە بولماعانى انىقتالدى»، - دەدى سەرىك ءتۇسىپوۆ.
ونىڭ ايتۋىنشا، اتالعان كولىكتەر بويىنشا رەسەي فەدەراسياسىنىڭ ىشكى ىستەر مينيسترلىگىنە رەسمي ساۋال جولدانعان.
ءىىم وكىلىنىڭ ايتۋىنشا، ءتيىستى جاۋاپ كەلگەن سوڭ، اتالعان فاكتىلەر بويىنشا زاڭنامادا كورسەتىلگەن پروسەسسۋالدىق ارەكەتتەر قابىلدانادى.