بريتانيادا مەدبيكە قوقىستاعى پلاستيكتەردى ونەر تۋىندىسىنا اينالدىرىپ ءجۇر
بريتانيانىڭ برايتون قالاسىندا تۇراتىن مەدبيكە شاشىلىپ جاتقان پلاستيكتەردى جيناپ، ونەر تۋىندىسىنا اينالدىرادى، دەپ حابارلايدى almaty-akshamy.kz.
قوقىس تەرۋ ونىڭ كۇندەلىكتى ادەتىنە اينالعان. برايتون - انگلياداعى تۋريستەر كوپ كەلەتىن قالا. تيىسىنشە قوقىس تا كوپ تاستالادى. مەدبيكە ءوزى جاساعان تۋىندىلاردى ساتىپ، تابىس كوزىنە دە اينالدىرا بىلگەن.
ەكولوگتار سەممي ءاپليننىڭ بۇل ءىسى كوپكە ۇلگى دەپ باعالايدى. ايتا كەتەيىك، وسى ۇلىبريتانيانىڭ گلازگو قالاسىندا 31 قازاننان 12 قاراشا ارالىعىندا كليمات ماسەلەلەرىنە ارنالعان عالامدىق سامميت وتەدى.
- پلاستيكتەر تاسباقالاردىڭ تۇبىنە جەتەدى. ولار كوپ جاعدايدا بۇل قوقىستى تاماق نەمەسە مەدۋزا دەپ ويلاپ، اۋزىنا سالىپ، جۇتىپ جىبەرەدى. وسىلاي اسقازانعا تۇسكەن پلاستيكتى قورىتا الماي، تاسباقا اقىرى اجال قۇشادى. مۇحيتتارعا كۇنىنە 8 ميلليونعا جۋىق پلاستيك تاستالادى، - دەيدى ەكولوگيالىق ۇيىمنىڭ وكىلى دجو ۋيليامس.