مىسىردىڭ الەكساندريا قالاسىندا عيمارات وپىرىلىپ قۇلادى. بيلىك 13 قاباتتى ءۇي قيراندىلارىنىڭ استىندا ءتىرى قالعان ادامداردى ىزدەپ جاتىر، دەپ حابارلايدى Almaty-akshamy.kz
ازاماتتىق قورعانىس كۇشتەرى سيدي بيشر اۋدانىنداعى حاليل حامادا كوشەسىندە ورنالاسقان عيماراتقا جەدەل جەتتى. مىسىر دەنساۋلىق ساقتاۋ مينيسترلىگىنىڭ حابارلاۋىنشا، قۇلاۋ سالدارىنان كەمىندە ءتورت ادام زارداپ شەككەن. مينيسترلىك جاراقاتتاردىڭ جەڭىل ەكەنىن جانە نەگىزىنەن تۇنشىعۋدان بولعانىن ايتتى،-دەپ جازدى Zakon.kz.
بيلىك اپات كەزىندە عيماراتتا بولعان ادامداردىڭ ناقتى سانىن بىلمەي وتىر. زارداپ شەككەندەر تۋرالى ازىرشە تولىق مالىمەت جوق. بىرنەشە تۇرعىن، سونىمەن قاتار عيماراتتا ورنالاسقان شاعىن سۋپەرماركەتتىڭ تۇتىنۋشىلارى عيمارات استىندا قالدى. ۇيىندىلەر استىندا بالالار بار ما، جوق پا، بەلگىسىز.
الەكساندريا گۋبەرناتورىنىڭ ايتۋىنشا، عيماراتتاعى "تىك ءبولۋ" ونىڭ قۇلاۋىنا سەبەپ بولۋى مۇمكىن. ءقازىر پروكۋرورلار ەگجەي-تەگجەيلەردى زەرتتەپ جاتىر.
ال عيماراتتىڭ اينالاسىنداعى مۇلىككە زاقىم كەلمەگەن جانە ونىڭ تۇرعىندارى ەۆاكۋاسيالانباعان.