دەرتكە ەۋروپادان ورالعان جاس جىگىت شالدىققان.
رەسەيدە مايمىل شەشەگىن جۇقتىرۋدىڭ العاشقى جاعدايى تىركەلدى، دەپ حابارلايدى Almaty-akshamy.kz Interfax.ru سىلتەمە جاساپ.
«رەسەيدە مايمىل شەشەگىنىڭ العاشقى جاعدايى راستالدى. دەرتكە شالدىققان جىگىت ەۋروپا ەلدەرىنە ساپارلاي بارىپ، ەلگە ورالعان كەزدە دەنەسى ءبورتىپ كەتكەن. ول دەر كەزىندە مەديسينالىق مەكەمەگە جۇگىندى»، – دەپ جازىلعان "روسپوترەبنادزور" جاريالاعان حابارلامادا.
"روسپوترەبنادزور" اۋرۋدىڭ جەڭىل تۇردە ەكەنىن، ناۋقاستىڭ ومىرىنە ەشقانداي ءقاۋىپ ءتونىپ تۇرماعانىن جاريالادى. جىگىت وقشاۋلانعان. ءقازىر ول ينفەكسيالىق بەيىندەگى مەديسينالىق مەكەمەدە ەم قابىلداپ جاتىر.
"روسپوترەبنادزور" ينفەكسيانىڭ ودان ءارى تارالۋ مۇمكىندىگى توقتاتىلعانىن مالىمدەدى. سونىمەن قاتار ۆەدومستۆو ەلدە مايمىل شەشەگىن انىقتاۋعا ارنالعان رەاگەنتتەردىڭ جەتكىلىكتى ەكەنىن حابارلادى.