15 قازانداعى جاعداي بويىنشا، رەسەيدە كوروناۆيرۋس ينفەكسياسىنان قايتىس بولعاندار سانى 999-عا جەتتى. بۇل - پاندەميا باستالعاننان بەرگى ەڭ جوعارى كورسەتكىش، دەپ حابارلايدى almaty-akshamy.kz قازاقپاراتقا سىلتەمە جاساپ.
كوروناۆيرۋسقا قارسى كۇرەس جونىندەگى جەدەل شتابتىڭ مالىمەتتەرى بويىنشا، سوڭعى ايدا ءولىم-جىتىمنىڭ ەڭ جوعارى ءمانى 14 رەت جاڭارتىلدى، ياعني ورتا ەسەپپەن ءار ەكى كۇن سايىن كەزەكتى انتيرەكورد تىركەلىپ وتىردى.
رەسمي دەرەكتەرگە سۇيەنسەك، سوڭعى ايدا رەسەي فەدەراسياسىندا كوروناۆيرۋستان 25 478 ادام قايتىس بولدى، ياعني بۇل – پاندەميا كەزىندە قايتىس بولعانداردىڭ جالپى سانىنىڭ 11،51 پايىزى.
ددۇ جاھاندىق رەيتينگىندە رەسەي سوڭعى 7 كۇندە كوروناۆيرۋستان قايتىس بولعاندار سانى بويىنشا اقش-تان كەيىنگى 2-ورىندا جانە پاندەميانىڭ بۇكىل كەزەڭىندە 5-ورىندا.
سوڭعى تاۋلىكتە رەسەيدە كوروناۆيرۋستىڭ 32 196 جاڭا جاعدايى انىقتالدى، دەپ حابارلايدى روسپوترەبنادزور سايتى. كوروناۆيرۋس جۇقتىرعاندار سانى بويىنشا كوش باستاپ تۇرعاندار:
ماسكەۋ – 6 631 جاعداي،
سانكت-پەتەربۋرگ – 2 632 جانە
ماسكەۋ وبلىسى – 2 110 جاعداي.
رەسەي فەدەراسياسىندا كوروناۆيرۋستىڭ 7 926 176 جاعدايى انىقتالدى، 6 960 024 ناۋقاس جازىلىپ شىقتى. پاندەميا كەزەڭىندە ينفەكسيادان 221 313 ادام قايتىس بولدى. ال 1 581 572 ادام مەديسينالىق باقىلاۋدا.
وتكەن تاۋلىكتە 22 268 ادام ەمدەلىپ شىقتى. ەپيدەميالىق جاعدايدىڭ شيەلەنىسۋىنە بايلانىستى 30-دان استام ءوڭىر كارانتين رەجيمىن قاتاڭداتتى، ونىڭ ىشىندە قوعامدىق ورىندارعا بارۋ جانە كوپشىلىك ءىس-شارالار ءۇشىن QR-كودتار، سونداي-اق ۆاكسينادان وتكەندىگى تۋرالى سەرتيفيكاتتار ەنگىزىلدى.
جەكە سۋبەكتىلەردە ۆاكسينا الۋعا مىندەتتەلگەن قىزمەتكەرلەر ءۇشىن قىزمەت سالالارىنىڭ ءتىزىمى ەنگىزىلدى نەمەسە كەڭەيتىلدى.