قىلمىس: الماتى تۇرعىنى رەسەيدەن كولىك ۇرلاعان
رەسەي فەدەراسياسىنىڭ ءنوۆوسىبىر قالاسىنان Toyota Camry ماركالى اۆتوكولىك ۇرلانعانى تۋرالى اقپارات پاۆلودار وبلىسىنىڭ پوليسياسىنا كەلىپ تۇسكەن، دەپ حابارلايدى almaty-akshamy.kz ق ر ىشكى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.
حابارلامانى العاننان كەيىن جەدەل تۇردە اتالعان اۆتوماشينانىڭ قازاقستان شەكاراسىنان ءوتىپ، پاۆلودار – نۇر-سۇلتان تاس جولىمەن جۇرگەنى انىقتالعان.
«باعدار دەرەۋ وسى اۆتوجول ۋچاسكەسىندە جول قاۋىپسىزدىگىن جۇزەگە اسىراتىن پاترۋلدىك پوليسيا روتاسىنىڭ بارلىق بەكەتتەرىنە تاراتىلدى. ءبىراز ۋاقىتتان كەيىن اتالعان اۆتوكولىك ەكىباستۇز اۋىلدىق ايماعىنىڭ بايەت اۋىلى ماڭىنداعى شىدەرتى كەنتى باعىتىنداعى تاس جولدا تىركەلدى. جۇرگىزۋشى پوليسيا قىزمەتكەرلەرىنىڭ تالابىنا توقتامادى»، – دەدى پاۆلودار وبلىسى پوليسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.
Toyota Camry ماركالى اۆتوكولىگى شىدەرتى كەنتىنىڭ جانارماي قۇيۋ ستانسياسىندا ۇستالدى. سالوندا بولعان جۇرگىزۋشىنىڭ الماتى قالاسىنىڭ 30 جاستاعى تۇرعىنى ەكەنى بەلگىلى بولدى. ەر ادامنىڭ قۇجاتتارى بولماي شىققان. پوليسيا جول ەرەجەسىن بۇزعانى ءۇشىن جۇرگىزۋشىگە قاتىستى ءبىرقاتار اكىمشىلىك ماتەريالدار قوزعالعانىن اتاپ ءوتتى.
اۆتوكولىك ايىپ تۇراعىنا قامالدى. شەكارا ماڭىنداعى ىنتىماقتاستىق شەڭبەرىندە ۇستاۋ تۋرالى اقپارات ىزدەستىرۋ باستاماشىسىنا حابارلاندى. اۆتوكولىك پەن ماتەريالدار رەسەي فەدەراسياسى ءىىم ارىپتەستەرىنە بەرىلەتىن بولادى.