باعى جانعان فۋتبولشى
الەمدىك فۋتبول تاريحىندا ەسىمى التىن ارىپپەن جازىلاتىن ەكى اياق دوپ شەبەرى بولسا، سونىڭ ءبىرى – مەسسي. ساراپشىلاردىڭ پىكىرىنە سۇيەنسەك، بالا كۇنىندە كوپ قيىنشىلىق كورگەن بالالار وسكەندە ۇلكەن ماقساتتارعا جەتەدى ەكەن. ويتكەنى، ابدەن ىسىلىپ، ءومىردىڭ بارلىق سوقپاعىنان وتكەندەر ەسەيگەن شاعىندا كەز كەلگەن جاعدايعا دايىن بولاتىن كورىنەدى. ويشا باعامدار بولساڭىز، ءاربىر جەتىستىككە جەتكەن ادام ۇنەمى ءوزىن جەتىلدىرگەنى بايقالادى. ماسەلەن، جاستايىنان اتا-اناسىنا جاردەمدەسىپ قولعانات بولادى. سونىمەن قاتار اينالاسىنا جاناشىر بولىپ كەلەدى. ول جاننىڭ بويىندا ادامزاتقا دەگەن ىشكى قۇرمەتى مەن دۇنيەنى تانىپ-بىلۋگە قاتىستى ەنەرگياسى مول بولادى. وسىلايشا اينالاسىنا شۋاعىن شاشىپ جۇرەدى. بۇگىنگى ءبىزدىڭ كەيىپكەرىمىزدە وسى اتالعان قاسيەتتەردىڭ بارلىعى بار. سول سەبەپتى دە كەلتىرىلگەن مىسالدارعا ارنايى توقتالىپ، قىسقاشا ايتۋدى ءجون سانادىق.
ارگەنتينالىق ليونەل اندرەس مەسسي دۇنيە جۇزىندەگى ەڭ ۇزدىك، ەڭ مىقتى كاسىپقوي فۋتبولشى. جارىق جۇلدىز، الا دوپتىڭ سۋپەر شەبەرى تۋرالى 5 قىزىقتى دەرەكپەن بولىسەمىز:
* مەسسيدىڭ تۇڭعىش كەلىسىمشارتى قول سۇرتەتىن قاعازعا جاسالعان. ونىڭ اكەسى حوركە بارسەلونا ديرەكتورى كارلوس رەكشاسقا جىلدام قول قويۋدى وتىنگەن. مەيرامحانا داياشىسىنان قول سۇرتەتىن قاعاز سۇراپ، كەلىسىم شارتتى سوعان جاساعان.
* 2004 جىلى 16 قازاندا ليونەل مەسسي بارسەلونا سابىندا ەسپانولعا قارسى ونەر كورسەتىپ كوزگە تۇسەدى. سول جىلى 17 جاسىندا يسپانيا بىرىنشىلىگىندە كامەلەتكە تولعاننان كەيىن بەرىلەتىن «ەڭ ۇزدىك جاس فۋتبولشى» اتاعىن يەمدەنەدى.
* ول الەمدەگى فۋتبولشىلار الاتىن ەڭ باستىسى نوميناسيا – «التىن دوپتى» 6 رەت، «التىن بۋتسىدى» 3 مارتە العان بىردەن-بىر رەكوردشى.
* ارگەنتينالىق تانىمال CULE سپورت باسىلىمى جەرلەستەرىنىڭ قۇرمەتىنە گازەتتىڭ اتىن وزگەرتىپ ءبىر رەت لەو دەپ شىققان.
* ساراپشىلار ونىڭ سول اياعىنىڭ ەپتىلىگىن مارادونانىڭ اياعىمەن سالىستىرسا، جىلدامدىعىن كرويف پەن رونالدينوعا تەڭەستىرەدى. مەسسي ءوزىنىڭ سپورتتىق كارەراسىندا 642 ارتىق ويىن وتكىزىپ، 550 استام گول سوققان ناعىز تالانت يەسى.