قاسىم-جومارت توقايەۆ وزبەكستان پرەزيدەنتى شاۆكات ميرزيويەۆپەن تەلەفون ارقىلى سويلەستى
وزبەكستان پرەزيدەنتى تارازدا بولعان جارىلىسقا بايلانىستى قازاقستان پرەزيدەنتى مەن حالقىنا كوڭىل ايتتى، دەپ حابارلايدى almaty-akshamy.kz اقوردا سايتىنا سىلتەمە جاساپ.
وزبەك تاراپىنىڭ باستاماسىمەن مەملەكەت باسشىسى قاسىم-جومارت توقايەۆ وزبەكستان پرەزيدەنتى شاۆكات ميرزيويەۆپەن تەلەفون ارقىلى سويلەستى.
وزبەكستان باسشىسى جامبىل وبلىسىندا بولعان قايعىلى دا توتەنشە وقيعاعا بايلانىستى قازاقستان پرەزيدەنتى مەن حالقىنا كوڭىل ايتتى. شاۆكات ميرزيويەۆ قايتىس بولعان ازاماتتاردىڭ وتباسىلارىنا قولداۋى مەن جۇباتۋ سوزدەرىن جەتكىزۋدى سۇراپ، زارداپ شەككەندەردىڭ ساۋىعىپ كەتۋىنە تىلەكتەستىك ءبىلدىردى.
اڭگىمەلەسۋ بارىسىندا تاراپتار اۋعانستانداعى قازىرگى جاعدايعا قاتىستى پىكىر الماستى.
مەملەكەتتەر باسشىلارى ەكىجاقتى جانە كوپجاقتى دەڭگەيدە تىعىز بايلانىستاردى نىعايتۋ باعىتىنداعى جۇمىستاردى جالعاستىرا بەرۋگە مۇددەلى ەكەندەرىن ناقتىلادى.