اتالعان پرەپارات 12 قاراشادا تىركەلگەن.
رەسەيدىڭ دەنساۋلىق ساقتاۋ مينيسترلىگى COVID-19 پرەپاراتىن ازىرلەۋدىڭ اياقتالعانىن مالىمدەدى، دەپ حابارلايدى Almaty-akshamy.kz
بۇل تۋرالى تاسس اگەنتتىگىنە بەرگەن سۇحباتىندا دەنساۋلىق ساقتاۋ مينيسترلىگىنىڭ باسشىسى ميحايل مۋراشكو مالىمدەدى.
ونىڭ ايتۋىنشا، الەمنىڭ بىردە-بىر ەلىندە كوروناۆيرۋستى ەمدەيتىن ءدارى جوق. مينيستر رەسەيدە جاسالعان پرەپارات ينفەكسيانىڭ باستاپقى كەزەڭىندە COVID-19 اعىمىن توقتاتا الاتىنىن اتاپ ءوتتى.
«رەسەيدە كوروناۆيرۋستى ەمدەۋگە ارنالعان العاشقى وتاندىق ءدارى 12 قاراشادا تىركەلدى — ول ارەپليۆير دەپ اتالادى، جىل سوڭىنا دەيىن پرەپارات اۋرۋحانالارعا جەتكىزىلەدى» ، -دەدى ميحايل مۋراشكو.
«Promomed» ازىرلەۋشى كومپانياسى ۇنتاق سۋدا ەرىمەيتىنىنە قاراماستان، ءفاراپيراۆيردىڭ ينەكسيالىق ءتۇرىن العاش جاساپ شىعارعاندارىن ايتتى.
بۇعان دەيىن ەل پرەزيدەنتى ۆلاديمير پۋتين رەسەيلىكتەرگە كوروناۆيرۋسقا قارسى دارى-دارمەكتى تانىستىرعان بولاتىن. ول جاقىن ارادا وتاندىق دارى-دارمەكتەر COVID-19 جۇقتىرعان ناۋقاستاردى ەمدەۋ ءۇشىن اۋرۋحانالاردا قولدانىلاتىنىنا سەنىم ءبىلدىردى.