وتكەن اپتادا قالادا اۆتوبۋستىڭ توبەسىندە وتشاشۋ اتقان بۇزاقىلار ۇستالدى

الماتىدا اۆتوبۋستىڭ توبەسىندە وتشاشۋلار ۇيىمداستىرعان بۇزاقىلار ۇستالدى

بوستاندىق اپب-نىڭ مالىمەتىنشە، بۇزاقىلىق جاساعاندار انىقتالىپ، ۇستالدى. ولاردىڭ ارەكەتتەرى الەۋمەتتىك جەلىلەردە تاراتىلعان، دەپ حابارلايدى Almaty-akshamy.kz

 «ولار بارلىعى تورتەۋ. ءارقايسىسىنىڭ رولدەرى تاعايىندالعان. بىرەۋى قوعامدىق كولىك جۇرگىزۋشىسىنىڭ نازارىن اۋدارسا، ەكىنشىسى – ۇيالى تەلەفون كامەراسىنا نە بولىپ جاتقانىن ءتۇسىرىپ جاتقان، تاعى ەكەۋى – تىكەلەي ورىنداۋشىلار، ولار قوعامدىق كولىكتىڭ توبەسىنە شىعىپ، وتشاشۋ ۇيىمداستىرعان. ولاردىڭ اراسىندا كامەلەتكە تولماعاندار دا بار. قازىرگى ۋاقىتتا اتالعان فاكتى بويىنشا ق ر قك-نىڭ 293-بابى بويىنشا قىلمىستىق ءىس تەرگەلۋدە. سونىمەن قاتار، بۇزاقىلاردىڭ ارەكەتىندە ق ر اقبك-نىڭ 436-بابىندا كوزدەلگەن قۇقىق بۇزۋشىلىق بەلگىلەرى بار»، – دەپ حابارلادى بوستاندىق اۋداندىق پوليسيا باسقارماسىنىڭ باستىعى دۋمان اۋحادييەۆ.

بايانداماشى قوعامدىق كولىك جولاۋشىلارىنا ءقاۋىپ توندىرگەن جاستاردىڭ مۇنداي كەلەڭسىز ارەكەتتەرىنىڭ سەبەبىن تەرگەۋ انىقتايتىنىن اتاپ ءوتتى. ايتپاقشى، اۆتوبۋس توبەسىنەن سەكىرگەندەردىڭ ءبىرى باسىنان جاراقات الدى.