مامانداردىڭ ايتۋىنشا، قوسپانىڭ قۇرامى تابيعي زاتتاردان جاسالعان.
رەسەيلىك اسكەريلەر كوروناۆيرۋستىڭ الدىن الۋعا ارنالعان شوپتەر مەن باسقا دا تابيعي ماتەريالدار نەگىزىندەگى بيولوگيالىق بەلسەندى قوسپا (BAA) ازىرلەگەنىن جانە ونى مەملەكەتتىك تىركەۋدەن وتكىزگەنىن مالىمدەدى، دەپ حابارلايدى Almaty-akshamy.kz INTERFAX.RU سايتىنا سىلتەمە جاساپ.
«ءبىز وتكىزگەن سىناق «كوۆباد» دەپ اتالاتىن بيولوگيالىق بەلسەندى تاعامدىق قوسپانى قولدانۋدىڭ ەكىنشى كۇنى مۇرىن-جۇتقىنشاقتاعى ۆيرۋستىڭ مولشەرى ەكى ەسەگە، ال التىنشى كۇنى ونىڭ كونسەنتراسياسى 16 ەسەگە تومەندەيتىنىن كورسەتتى»، - دەدى رف قارۋلى كۇشتەرى رادياسيالىق، حيميالىق جانە بيولوگيالىق قورعانىس اسكەرلەرىنىڭ باستىعى گەنەرال-لەيتەنانت يگور كيريللوۆ رەسەي قورعانىس مينيسترلىگىنىڭ «كراسنايا زۆەزدا» گازەتىندە جاريالانعان سۇحباتىندا.
ول كوروناۆيرۋستىق ينفەكسيانىڭ الدىن الۋ قۇرالدارى رەسەي فەدەراسياسى قورعانىس ءمينيسترىنىڭ شەشىمىنە سايكەس ازىرلەنىپ جاتقانىن ايتتى.
«ينتەرفاكس» اگەنتتىگىنىڭ حابارلاۋىنشا، قوسپانى ازىرلەۋشى 48ء-شى ورتالىق عىلىمي-زەرتتەۋ ينستيتۋتىنىڭ مىندەتى اسكەر مەن حالىقتى اسا ءقاۋىپتى ينفەكسيالاردان مەديسينالىق قورعاۋدى دامىتۋ بولىپ تابىلادى.
48ء-شى ورتالىق عىلىمي-زەرتتەۋ ينستيتۋتى رەسەيلىك Sputnik V كوروناۆيرۋسقا قارسى ۆاكسينانى ازىرلەۋگە جانە سىناۋعا قاتىسقان.