بەرليندە دۇيسەنبىدەن باستاپ ۆاكسينا قابىلداماعان تۇرعىندار مەيرامحانا، كينوتەاتر مەن باسقا دا قوعامدىق ورىندارعا كىرە المايدى، دەپ حابارلايدى Almaty-akshamy.kz «حابار 24»-كە سىلتەمە جاساپ.
سونىمەن قاتار، اشىق اسپان استىنداعى ءىس-شارالارعا دا ەگىلگەن تۇرعىندار عانا قاتىسا الادى. بيلىكتىڭ بۇل شەشىمىنە ايماقتاعى ەپيدەميولوگيالىق احۋالدىڭ ۋشىعۋى تۇرتكى بولدى.
ماسەلەن، سوڭعى تاۋلىكتە گەرمانيادا 50 مىڭنان استام ادام كوۆيد ىندەتىنە شالدىققان. بۇل پاندەميا باستالعالى ەڭ جوعارى كورسەتكىش. جەرگىلىكتى بيلىك جاعدايدىڭ وڭالماۋىنا ءار ءۇشىنشى تۇرعىننىڭ ەگىلمەۋى سەبەپ دەيدى. سوندىقتان ماماندار ايماقتا ۆاكسيناسيا ناۋقانىن جىلدامداتۋ كەرەك دەگەن پىكىردە.
«ۆيرۋس ءالى دە ەل تۇرعىندارىنا ءقاۋىپ ءتوندىرىپ تۇر. كوبى ۆاكسينا قابىلداعانمەن، ەگىلمەگەندەر دە جەتكىلىكتى. سوندىقتان ۇلت ساۋلىعى ءۇشىن بارلىق ءتيىستى شارالاردى قولعا الۋىمىز كەرەك. ءبىز بارىنشا ساق بولۋىمىز ءتيىس»، - گەرمانيا ۆيسە-كانسلەرى ولاف شولس.