رەسەي قازاقستاندى دوستىقتان سىزىپ تاستادى

قازاقستانعا رەسەي ۆاليۋتا نارىعىندا ساۋدا-ساتتىققا جول بەرىلمەيتىن بولدى، دەپ حابارلايدى Almaty-akshamy.kz.

PRO كادرى kz Telegram-كانالىنىڭ حابارلاۋىنشا، رەسەي ۇكىمەتى بانكتەر مەن بروكەرلەر رەسەي ۆاليۋتا نارىعىنا جىبەرىلەتىن «دوستىق جانە بەيتاراپ ەلدەردىڭ» ءتىزىمىن بەكىتتى.

ولار - ءازىربايجان، ارمەنيا، بەلارۋس، قىرعىزستان، تاجىكستان، تۇرىكمەنستان، وزبەكستان، الجير، بانگلادەش، باحرەين، برازيليا، ۆەنەسۋەلا، ۆەتنام، ەگيپەت، ءۇندىستان، يندونەزيا، يران، قاتار، جۇڭگو، كۋبا، مالايزيا، ماروككو، موڭعوليا، بىرىككەن اراب امىرلىكتەرى، ومان، پاكىستان، ساۋد ارابياسى، سەربيا، تايلاند، تۇركيا، وڭتۇستىك افريكا رەسپۋبليكاسى.

بۇل تىزىمدە قازاقستان جوق، وعان ءتىپتى رەسەيدىڭ بۇقارالىق اقپارات قۇرالدارى دا نازار اۋدارعان.

«بۇل نورمالار دوستىق جانە بەيتاراپ ەلدەردىڭ ۇلتتىق ۆاليۋتالارىن تىكەلەي ايىرباستاۋ مەحانيزمىنىڭ تيىمدىلىگىن ارتتىرۋعا جانە رەسەي ەكونوميكاسىنىڭ ۇلتتىق ۆاليۋتاداعى ەسەپ ايىرىسۋلارعا دەگەن سۇرانىسىن قاناعاتتاندىرۋ ءۇشىن رۋبلگە تىكەلەي باعا بەلگىلەۋدى قالىپتاستىرۋعا باعىتتالعان»، - دەپ حابارلايدى رەسەي فەدەراسياسىنىڭ ۇكىمەتى.