الماتىدا 23-24 قىركۇيەكتە ساعات 08:00-دەن 17:00-گە دەيىن اباي وبلىسى اۋىل شارۋاشىلىعى تاۋار وندىرۋشىلەرىنىڭ كەڭەيتىلگەن جارمەڭكەسى وتەدى.
وعان وبلىستىڭ 6 اۋدانىنىڭ، سونىمەن قاتار، سەمەي قالاسىنىڭ فەرمەرلەرى قاتىسادى. جارمەڭكەدە 40-تان استام ءونىم – ەت-سۇت، جەمىس-كوكونىس، شۇجىق ونىمدەرى، وسىمدىك جانە جانۋار مايلارى جانە ت.ب. ۇسىنىلادى.
ءونىمنىڭ جالپى كولەمى – 180 توننا، ونىڭ ىشىندە ەت ونىمدەرى – 30 توننا، جەمىس – كوكونىس ونىمدەرى – 120 توننا، ءسۇت ونىمدەرى – 15 توننا، بالىق ونىمدەرى – 5 توننا، باسقالارى-10 توننا.
كەڭەيتىلگەن اۋىل شارۋاشىلىعى جارمەڭكەسى ش.ءۋاليحانوۆ الاڭىندا (شيەۆچەنكو كوشەسى، قونايەۆ كوشەسىنەن پۋشكين كوشەسىنە دەيىن) وتەدى.
نازارلارىڭىزدى، 22-24 قىركۇيەكتى قوسا العاندا، ساعات 8:00-دەن 17:00-گە دەيىن اباي وبلىسىنىڭ اۋىل شارۋاشىلىعى جارمەڭكەسىن دايىنداۋ جانە وتكىزۋ كەزىندە شيەۆچەنكو كوشەسى پۋشكين كوشەسىنەن قونايەۆ كوشەسىنە دەيىن جابىلاتىنىنا اۋدارامىز.