قازاقستاندا پەتيسيا ينستيتۋتى ەنگىزىلەدى

ازاماتتاردىڭ مەملەكەتتىك پروسەستەرگە قاتىستى پىكىر بىلدىرۋىنە قوسىمشا تەتىك.

بۇگىن سەنات قوعامدىق باقىلاۋ تۋرالى زاڭدى ءبىرىنشى وقىلىمدا ماقۇلدادى. زاڭنامادا پەتيسيا ۇعىمى قوسا بەرىلگەن. ەندى پەتيسيالاردى جىبەرۋ جانە ونى قاراۋ اكىمشىلىك راسىمدىك-پروسەستىك كودەكسكە ساي جۇرگىزىلەدى، دەپ حابارلايدى Almaty-akshamy.kz 24.kz-كە سىلتەمە جاساپ. 

مەملەكەتتىك ورگاندار قاراۋ ءۇشىن وعان قول قويعانداردىڭ شەكتى ءمانى بەلگىلەنگەن. ماسەلەن، 50 مىڭنان استام حالقى بار ەلدى مەكەننەن جىبەرىلگەن پەتيسيادا 2،5 مىڭ داۋىس جينالسا اۋدان اكىمدىگى قارايدى. وبلىستاعى اكىمدىكتەر قۇزىرەتىنە جاتاتىن ماسەلەگە قاتىستى پەتيسياعا اۋماق تۇرعىندارىنىڭ 1 پايىزى، ال ءماسليحاتتىڭ قۇزىرەتىندەگى تۇيتكىل بولسا حالىقتىڭ 2 پايىز داۋىسى جينالۋ كەرەك. ۇكىمەتتىك دەڭگەيدەگى ماسەلەنى قاراۋ ءۇشىن پەتيسياعا كەمىندە 50 مىڭ تۇرعىن قول قويۋى ءتيىس. قازاقستاندىقتار پەتيسيانى ارنايى ينتەرنەت پورتال ارقىلى بەرە الادى.

«مۇنداي جاڭا نورمالار الداعى ۋاقىتتا قوعامنىڭ قاجەتتىلىكتەرىن بارىنشا ەسكەرۋگە مۇمكىندىك بەرۋى ءتيىس. وسىلايشا حالىقتىڭ كوكەيىندەگى  ماسەلەلەردى مەملەكەتتىك ورگاندارعا تۇراقتى تۇردە جەتكىزۋدىڭ زاڭدستىرىلعان قوسىمشا تەتىكتەرى قالىپتاسادى. بۇل ءوز كەزەگىندە ازاماتتارىمىزدىڭ مەملەكەتىك باسقارۋ ينستيتۋتتارىنا دەگەن سەنىمىن ارتتىرىپ، ەلىمىزدىڭ دامۋىنا وڭ ىقپال ەتەدى دەپ سەنەمىن»، - دەيدى ق ر پارلامەنتى سەناتىنىڭ ءتوراعاسى ماۋلەن اشىمبايەۆ.