رەسەي قىتايعا گاز ەكسپورتتاۋ ءۇشىن قازاقستان ارقىلى جاڭا باعىت قۇرۋدى قاراستىرىپ جاتىر. «كوممەرسانت» مالىمەتىنە سۇيەنسەك، ول موڭعوليا ارقىلى سالىنادى دەپ جوسپارلانعان «ءسىبىر قۋاتى 2» جوباسىنا بالاما بولا الادى، دەپ حابارلايدى aqshamnews.kz
رەسەي قازاقستان ارقىلى گاز قۇبىرىن سالۋدىڭ ەكى نۇسقاسىن ۇسىنادى:
- «التاي» جوباسىن قايتا جانداندىرۋ
بۇل نۇسقا 2016 جىلى توقتاتىلعان «التاي» جوباسىن قايتا قولعا الۋدى كوزدەيدى. جوبا بويىنشا گاز قۇبىرى يامالداعى گاز كەنىشتەرىنەن باستالىپ، قىتايدىڭ باتىس ايماقتارىنا دەيىن 2،6 مىڭ شاقىرىمدى قۇرايدى. بۇل جاعدايدا قازاقستانعا اباي، پاۆلودار جانە قاراعاندى وبلىستارىن گازداندىرۋ ءۇشىن جاڭا گاز قۇبىرى سالۋ قاجەت بولادى.
2. شىعىس قازاقستان ارقىلى كۇردەلى مارشرۋت
ەكىنشى نۇسقا بويىنشا گاز قۇبىرى قازاقستاننىڭ شىعىس وڭىرلەرىنەن، اباي مەن جەتىسۋ وبلىستارى ارقىلى وتەدى. بۇل مارشرۋت قىتايدىڭ «باتىس — شىعىس» گاز قۇبىرى جۇيەسىنە قورعاس ارقىلى قوسىلادى. بۇل نۇسقا «التاي» جوباسىنىڭ جاڭارتىلعان نۇسقاسى بولىپ تابىلادى جانە قازاقستان ءۇشىن تيىمدىرەك بولۋى مۇمكىن. سەبەبى، جوبانىڭ نەگىزگى بولىگى «گازپروم» مەن قىتايدىڭ CNPC كومپانيالارىنىڭ موينىندا بولادى، بۇل قازاقستاننىڭ قارجىلىق جۇكتەمەسىن ازايتۋعا مۇمكىندىك بەرەدى.
-
گاز قۇبىرىنىڭ «ورتا ازيا — ورتالىق» جۇيەسىن ريەۆەرس رەجيمىنە اۋىستىرۋ
ءۇشىنشى نۇسقا رەتىندە «ورتا ازيا — ورتالىق» گاز قۇبىرى جۇيەسىن ريەۆەرس رەجيمىنە اۋىستىرۋ ۇسىنىلادى. بۇل ءادىس قازاقستان مەن وزبەكستانمەن رانايى كەلىسىمگە كەلۋ ارقىلى جۇزەگە اسادى. تىكەلەي جەتكىزىلىمدەر مۇمكىن بولماعان جاعدايدا بۇل ءادىس ءتيىمدى بولىپ تابىلادى.
«گازپروم» ءۇشىن ءتيىمدى شەشىم
بۇل ءتاسىل «گازپروم» ءۇشىن وتە ءتيىمدى بولادى، ويتكەنى ول جوبانىڭ يكەمدىلىگىن قامتاماسىز ەتەدى جانە جوعارى پايىزدىق ستاۆكالار جاعدايىندا كاپيتالدىق شىعىنداردى ازايتادى.
قازاقستان ءۇشىن بۇل گاز مارشرۋتىنىڭ ءارتۇرلى نۇسقالارى ەكونوميكالىق تۇرعىدان ءتيىمدى بولۋى مۇمكىن، ءارى ولار ەۋروپالىق جانە قىتايلىق نارىقتارعا گاز ەكسپورتتاۋدى ارتتىرۋعا مۇمكىندىك بەرەدى.