الماتىدا ەسىرتكى جارنامالاعان ەرلى-زايىپتى ۇستالدى

الماتى قالاسى اۋەزوۆ اۋدانىنىڭ پوليسەيلەرى وتباسىلىق جۇپتى ۇستادى.

ەرلى-زايىپتىلار ەسىرتكى قۇرالدارىن، پسيحوتروپتىق زاتتاردى جانە سول تەكتەستەردى، پرەكۋرسورلاردى جارنامالادى دەگەن كۇدىككە ءىلىندى، دەپ حابارلايدى aqshamnews.kz Polisia.kz-كە سىلتەمە جاساپ. 

– جەكە ءتىنتۋ كەزىندە ۇستالعانداردان اەروزول بوياۋى، تەلەفون، مەديسينالىق پيپەتكالار، ەسىرتكى سايتتارىنىڭ مەكەنجايلارى جازىلعان ترافارەتتەر جانە باسقا دا سۋرەت سالۋ قۇرالدارى تاركىلەندى. ۇستالعانداردىڭ ەكەۋى دە ناشاقور ەكەنى جانە مەفەدرون قولداناتىندىعى بەلگىلى بولدى. ءبىراز ۋاقىتتان بەرى ەرلى-زايىپتىلار اقشالاي سىياقى الۋ ءۇشىن عيماراتتاردىڭ قاسبەتتەرىنە ەسىرتكى جارنامالارىن سالا باستاعان، سول ءۇشىن ۇستالىپ، قاماۋعا الىندى. اتالعان دەرەك بويىنشا پوليسيا بولىمىندە سوتقا دەيىنگى تەرگەۋ امالدارى باستالدى، – دەدى اۋەزوۆ اۋداندىق پوليسيا باسقارماسىنىڭ باستىعى دانيار مەڭدەبايەۆ.

ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.