حالىقارالىق پاراليمپيادا كوميتەتى شەشىمىن وزگەرتىپ، رەسەيلىك جانە بەلارۋس سپورتشىلارىنا بەيجىڭدەگى پاراليمپيادا ويىندارىنا قاتىسۋعا تىيىم سالدى. بۇل تۋرالى حپك باسپا ءسوز قىزمەتى مالىمدەدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
سارسەنبى كۇنى حپك رەسەي مەن بەلارۋس سپورتشىلارىنا ويىنعا بەيتاراپ مارتەبەدە قاتىسۋعا رۇقسات بەرگەن ەدى.
شەشىم حپك القاسىنىڭ ارنايى شاقىرىلعان وتىرىسىنان كەيىن وزگەرتىلدى.
«سوڭعى 12 ساعات ىشىندە بىزگە كوپتەگەن قاتىسۋشىلار حابارلاسىپ، ويىن اشىق ايتتى. مەن بۇعان ريزامىن. ولار بىزگە شەشىمىمىزدى قايتا قاراستىرماساق، ونىڭ بەيجىڭدەگى پاراليمپيادا ويىندارىنا كەرى اسەرى ءتيۋى مۇمكىن ەكەنىن ايتتى. بىرنەشە ۇلتتىق پاراليمپيادا كوميتەتى ول جاعدايدا جارىسقا قاتىسپايتىنىن ايتىپ، نارازىلىق ءبىلدىردى»، - دەدى حپك پرەزيدەنتى ەندريۋ پارسونس.
28 اقپاندا حالىقارالىق وليمپيادا كوميتەتى حالىقارالىق سپورت فەدەراسيالارىنا رەسەي مەن ۋكراينا اراسىنداعى جاعدايعا بايلانىستى رەسەي جانە بەلارۋس سپورتشىلارىنىڭ حالىقارالىق جارىستارعا قاتىسۋىنا جول بەرمەۋدى ۇسىندى.
رەسەي پاراليمپيادا كوميتەتى ويىنشىلارىن جارىستان شەتتەتۋ شەشىمىن نەگىزسىز دەپ سانايدى. بەيجىڭدەگى پاراليمپيادا ويىندارى 4-13 ناۋرىز ارالىعىندا وتەدى.