مايمىل شەشەگى ىندەتىنىڭ ىقتيمال جاعدايلارىن انىقتاۋعا ارنالعان تەست ىندەتتىڭ تارالۋ ءقاۋپى تونگەن جاعدايدا قولدانىلۋى مۇمكىن، دەپ حابارلايدى Almaty-akshamy.kz Inform.kz-كە سىلتەمە جاساپ.
جۇيەنى رەسەيدىڭ «روسپوترەبنادزور» مەكەمەسىنىڭ «ۆەكتور» ۆيرۋسولوگيا جانە بيوتەحنولوگيا مەملەكەتتىك عىلىمي ورتالىعى قۇردى.
«ول جۇقتىرعان جانۋارلاردان الىنعان كلينيكالىق ماتەريالداعى ۆيرۋستاردى ءساتتى انىقتاۋعا، سونداي-اق پاسيەنتتەردەگى ۆاكسيناسيا الاڭىنداعى پۋستۋليارلى قىرتىستارداعى ۆاكسينا ۆيرۋسىن تابۋعا مۇمكىندىك بەرەدى»، - دەدى روسپوترەبنادزور.
19 مامىردا رەسەيدە مايمىل شەشەگىنىڭ ىقتيمال جاعدايلارىن تەز انىقتاۋ ءۇشىن اۆتونومدى تەست جۇيەسىن قۇرىلاتىنى تۋرالى بەلگىلى بولدى. روسپوترەبنادزوردىڭ «ۆەكتور» ورتالىعى ونىڭ زەرتحانالىق سىناقتارىن ءساتتى وتكىزگەنى تۋرالى حابارلاندى. مايمىل شەشەگى ۆيرۋسى باتىس ەۋروپانىڭ ءبىرقاتار ەلدەرىندە ءساۋىر - مامىر ايلارىندا تاردى، قازىرگى ۋاقىتتا ول باسقا كونتينەنتتەردە دە انىقتالدى.
دۇنيەجۇزىلىك دەنساۋلىق ساقتاۋ ۇيىمى جاقىندا ىندەتتى تالقىلاۋ ءۇشىن جەتەكشى ساراپشىلاردىڭ قاتىسۋىمەن جەدەل جينالىس وتكىزەدى. بۇعان دەيىن وتكەن اپتادا ددۇ ەۋروپالىق ايماعىنىڭ بىرنەشە ەلىندە مايمىل شەشەگى ىندەتى تىركەلگەنى تۋرالى حابارلانعان بولاتىن.