باتىرسىز 7 جىل
الماتىدا باتىرحان شۇكەنوۆتىڭ 60 جىلدىعىنا ارنالعان BATYR.GÜL ALMATY ارناۋ كونسەرتى ءوتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ءقازىر الاڭدا اتموسفەرانى سوزبەن جەتكىزۋ مۇمكىن ەمەس. حالىق كوپ. باتىر شىعارماشىلىعىنىڭ ادال جانكۇيەرلەرى كونسەرتتى تاماشالاپ، كوزدەرىنە جاس الىپ ءان شىرقاپ جاتىر. بۇگىندە ميلليونداعان تىڭدارماننىڭ سۇيىكتى اندەرىن سيمفونيالىق وركەستر، سوليستەر، باتىردىڭ زامانداستارى مەن جاس مۋزىكانتتار العاش رەت ورىندايدى.
«كونسەرتتى ۇيىمداستىرۋشىلار اۋا-رايىنىڭ قولايسىزدىعىنا بايلانىستى ساحنانى رەسپۋبليكا سارايىنىڭ كورەرمەن زالىنا اۋىستىردى. ىشكە كىرە الماعاندار ءۇشىن اباي الاڭىندا ۇلكەن ەكراندا ترانسلياسيا ۇيىمداستىرىلدى»، - دەيدى ءانشى الىبەك المادييەۆ.
ۇيىمداستىرۋشىلاردىڭ ايتۋىنشا، BATYR.GUL ALMATY ارناۋ كونسەرتى – بۇل باتىرحان شۇكەنوۆ اتىنداعى قوعامدىق قورىنىڭ قىزمەتىنىڭ جالعاسى، ول ءانشى تۋرالى ەستەلىكتى ساقتاۋعا جانە قازاقستاننىڭ جاندى ءارى كۇشتى مادەني ورتاسىن قالىپتاستىرۋعا باعىتتالعان.