رەسەي ەلشىسى ولەگ مالگينوۆ «ادىلەتتى رەسەي-پاتريوتتار – شىندىق ءۇشىن» ساياسي پارتياسىنىڭ تەڭ ءتوراعاسى، رەسەي جازۋشىسى زاحار پريلەپيننىڭ سوزىنە بايلانىستى وزبەكستان سىم-نە شاقىرىلدى. وندا ز.پريلەپيننىڭ «وزبەكستان اۋماعىن رەسەيگە قوسۋ» تۋرالى ۇسىنىسى «اسا قاتتى الاڭداۋشىلىق» تۋدىرعانى رەسەي وكىلىنە جەتكىزىلدى، - دەپ حابارلايدى اlmaty-akshamy.kz.
پارتيا ليدەرلەرىنىڭ مۇنداي مالىمدەمەلەرى ەكى ەل اراسىنداعى ستراتەگيالىق ارىپتەستىككە ىرىتكى سالاتىنىن اتاپ ءوتتى.
بىرىككەن كومانديرلەر كەڭەسىنىڭ وتىرىسىندا پريلەپين «بىزگە، گاستاربايتەرلەر كەلەتىن اۋماقتاردى قوسۋ كەرەك، سودان كەيىن وندا تۋعان بالالار بىردەن ورىس ءتىلىن ۇيرەنەدى»، - دەپ مالىمدەدى، دەپ جازدى وزبەك سىرتقى ساياسي ۆەدومستۆوسى.
بۇعان دەيىن دە ماسكەۋ جانە بۇكىل رەسەي پاتريارحى كيريلل رەسەيدەگى ميگرانتتار ەلدەگى ءدىنارالىق جانە ۇلتارالىق بەيبىتشىلىككە ءقاۋىپ توندىرەتىنىن ايتقان ەدى.
ەستەرىڭىزگە سالا كەتەيىك، قازان ايىندا وزبەكستان بيلىگى رەسەيگە بارعان ميگرانتتاردىڭ بالالارىنا ارناپ جەكە بالاباقشالار مەن مەكتەپتەر اشۋدى ۇسىندى. ءبىلىم وشاقتارى وتانداستاردىڭ قاراجاتى ەسەبىنەن سالىنىپ، رەسەيدىڭ ءبىلىم بەرۋ باعدارلاماسى بويىنشا جۇمىس ىستەۋى كەرەك ەكەنىن ايتقان.