كوڭىل كونشىتپەيتىن كورسەتكىشتەر

جانجىگىت ومارحان Facebook پاراقشاسىنداعى جازباسىندا كولىك مينيسترلىگىنىڭ باسشىلىعى بەينەجازبانى قاراپ شىعىپ، تەكسەرۋ شارالارىن جەدەل جۇرگىزۋگە بۇيرىق بەرگەنىن اتاپ ءوتتى.

ەستەرىڭىزگە سالا كەتەيىك، بلوگەر ءوزىنىڭ بەينە حابارلاماسىندا تەمىرجول ۆاگوندارىنىڭ تەحنيكالىق جاعدايىنا ەسكەرتۋ جاساپ، تۋريزم جانە كولىك مينيسترلەرىن پويىزبەن «ءجۇرىپ وتۋگە» شاقىرعان بولاتىن.

كولىك مينيسترلىگىنىڭ وكىلدەرى ەڭ الدىمەن بەينە جازبانىڭ قانشالىقتى وزەكتى ەكەندىگىن انىقتادى. ناتيجەسىندە جازبا اۆتورى 13-14 جەلتوقسان ارالىعىندا «قوستاناي-الماتى» باعىتىندا قاتىنايتىن №43/44 جولاۋشىلار پويىزىنىڭ №2 ۆاگونىمەن جولعا شىققانى بەلگىلى بولدى.

سونداي-اق زاۋىتتىق ءنومىرى 02/26210 ۆاگون Astana trans group ج ش س جەكە تاسىمالداۋشىسىنا تيەسىلى ەكەنى جانە 1989 جىلى جاسالعانى، سونىمەن بىرگە جوسپارلى كۇردەلى جوندەۋ جۇمىستارى ماۋسىم ايىندا، ال ەكىنشى رەت تەكسەرۋ قىسقى تاسىمالداۋعا دايىندىق كەزىندە، ياعني قىركۇيەكتە جۇرگىزىلگەنى انىقتالدى.  

تاسىمالداۋشى كومپانيانىڭ وكىلدەرى اتالعان رەيستىڭ جولاۋشىلارى جولسەرىكتەرگە نەمەسە پويىز باستىعىنا تەمپەراتۋرانىڭ قولايسىزدىعىنا بايلانىستى شاعىمدانباعانىن ايتادى. جەلتوقساننىڭ 13-ىنەن 14-ىنە قاراعان ءتۇنى ايماقتا اۋا تەمپەراتۋراسى -30 گرادۋسقا دەيىن تومەندەدى. وعان قوسا، بەينەجازبادا كورىنىپ تۇرعانداي، اۆتور ۇستىنە جاي عانا جەڭىل فۋتبول كيىپ، ءتۇسىرىلىم جۇرگىزگەن. بۇل دا ءوز كەزەگىندە ۆاگونداعى تەمپەراتۋرانىڭ قولايلى بولعاندىعىنا مەڭزەيدى.

ج.ومارحان جولاۋشىلار تاسىمالى سالاسىنداعى ۋاكىلەتتى مەملەكەتتىك ورگان ەلىمىزدەگى جولاۋشىلار ۆاگوندارىنىڭ تەحنيكالىق جاي-كۇيى تۋرالى حاباردار ەكەنىن اتاپ ءوتتى.

«جولاۋشىلار ۆاگوندارىنىڭ وتاندىق پاركىنىڭ تەحنيكالىق جاي-كۇيىنە توقتالاتىن بولساق، مينيستر مارات قارابايەۆ جىل كولەمىندە قازاقستاندىق ۆاگونداردىڭ ورتاشا توزۋى سوڭعى جىلدارى 45%-عا دەيىن تومەندەگەنىن ايتىپ كەلەدى. البەتتە، بۇل كوڭىل كونشىتپەيتىن كورسەتكىشتەر. سوندىقتان جاڭا ۆاگونداردى ساتىپ الۋ بويىنشا جۇمىستار ودان ءارى جالعاسىپ جاتىر. بيىل 162 ۆاگون ساتىپ الىندى. قازىرگى ۋاقىتتا ونىڭ 88ء-ى جەتكىزىلىپ، 2024 جىلدىڭ شىلدەسىنە دەيىن تاعى 62ء-سى جولاۋشىلار تاسىمالىنا شىعادى دەگەن جوسپار بار. كەلەسى جىلى پەتروپاۆل زاۋىتىنان شىعاتىن تاعى 157 جاڭا ۆاگون ساتىپ الىنباق. سونىمەن بىرگە وسىدان ءبىر جىل بۇرىن «ستادلەر قازاقستان» جشس-مەن 537 بىرلىك Stadler جولاۋشىلار ۆاگونىن ساتىپ الۋ جونىندە كەلىسىمشارت جاسالدى»، – دەپ اتاپ ءوتتى باسپا ءسوز حاتشىسى.

بەينەجازبا اۆتورى سونداي-اق كولىك ءمينيسترىن تەمىرجول كولىگىمەن ءجۇرىپ وتۋگە شاقىرعان ەكەن. بۇل رەتتە مينيسترلىك وكىلى وتكەن اپتادا مارات كارىمجان ۇلى سولتۇستىك قازاقستان وبلىسىنا جۇمىس ساپارى بارىسىندا وبلىس ورتالىعى پەتروپاۆل قالاسىنا پويىزبەن بارعانىن ايتتى.