جاڭا پرەپارات
رەسەيدىڭ گامالەيا اتىنداعى ورتالىعى مونوكلوندى انتيدەنەلەر نەگىزىندە جاسالعان كوروناۆيرۋسقا قارسى پرەپاراتتىڭ كلينيكالىق زەرتتەۋىن باستايدى، ول شامامەن ءۇش ءجارىم-تورت اي ۋاقىت الادى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.
بۇل تۋرالى تاسس اگەنتتىگىنە گامالەيا اتىنداعى ورتالىقتىڭ ديرەكتورى الەكساندر گينسبۋرگ مالىمدەدى.
«ءقازىر كلينيكالىق سىناقتار باستالدى. ءبىرىنشى جانە ەكىنشى فازادان ءوتۋ كەرەك، ول شامامەن ءۇش ءجارىم-تورت اي ۋاقىتتى الادى. كوكتەمنىڭ ەكىنشى جارتىسىندا وسى پرەپاراتتى قولدانىپ كورەمىز دەپ سەنەمىن. الايدا بۇل پرەپاراتتىڭ ءتيىمدى ەكەنى باتىستاعى بالامالارىنان-اق بەلگىلى»، - دەدى ول.
بۇدان بۇرىن گامالەيا اتىنداعى ورتالىقتىڭ جەتەكشى قىزمەتكەرى، «سپۋتنيك V» ۆاكسيناسىن وندىرۋشىلەردىڭ ءبىرى دميتريي ششەبلياكوۆ مونوكلوندى انتيدەنەلەر نەگىزىندە جاسالعان پرەپاراتتىڭ كلينيكاعا دەيىنگى سىناق كەزىندە جوعارى ناتيجە كورسەتكەنىن مالىمدەگەن.