اكىم ەمدەلۋ ءۇشىن 30 جەلتوقساندا ەڭبەك دەمالىسىن العان
اتىراۋ قالاسىنىڭ اكىمى قايرات ورازبايەۆ قىزمەتىنەن بوساتىلدى، دەپ حابارلايدى Almaty-akshamy.kz.
بۇل دەرەكتى وبلىس اكىمىنىڭ باسپا ءسوز قىزمەتى راستادى.
«اتىراۋ قالاسىنىڭ اكىمى قايرات ورازبايەۆ ەمدەلۋ ءۇشىن 30 جەلتوقساندا ەڭبەك دەمالىسىن العان بولاتىن. قالا اكىمى 10 قاڭتاردا جۇمىسقا كەرى شاقىرتىلىپ الىندى. الايدا، ول كەلەسى كۇنى دەنساۋلىعىنا بايلانىستى ەڭبەككە جارامسىزدىق پاراقشاسىن اشتىردى. وبلىس اكىمىنىڭ وكىمىمەن قايرات ورازبايەۆ 14 قاڭتار كۇنى ءوزىنىڭ ءوتىنىشى نەگىزىندە اتىراۋ قالاسى اكىمى قىزمەتىنەن بوساتىلدى. ءقازىر اتىراۋ قالاسى اكىمىنىڭ مىندەتىن اتقارۋ قالا اكىمىنىڭ ورىنباسارى جۇمابەك قاراجانوۆقا جۇكتەلدى»، -دەپ حابارلادى وبلىس اكىمىنىڭ باسپا ءسوز قىزمەتى.
ەسكە سالا كەتەلىك، قايرات ورازبايەۆ اتىراۋ قالاسى اكىمىنىڭ قىزمەتىنە 2020 جىلعى قاڭتاردا تاعايىندالعان بولاتىن.