مكك ەسكە سالادى، قازاقستان رەسپۋبليكاسىنىڭ اۋىل شارۋاشىلىعى مينيسترلىگى اعىمداعى جىلدىڭ ءساۋىر ايىنان باستاپ بيدايدى قازاقستانعا اكەلۋگە تىيىم سالىندى، دەپ حابارلايدى aqshamnews.kz.
ەاەو ەلدەرىمەن ءوزارا ساۋدادا تاۋارلاردى وتكىزۋ كەزىندە تىيىمداردىڭ ساقتالۋىن باقىلاۋ مەملەكەتتىك كىرىستەر ورگاندارىنا جۇكتەلگەن.
ماسەلەن، 2024 جىلعى 24 تامىزدا "جەلقۋار" اۆتوموبيل وتكىزۋ پۋنكتى ارقىلى قازاقستان-رەسەي شەكاراسىن كەسىپ ءوتۋ كەزىندە رەسەي فەدەراسياسىنان 110 توننادان استام بيداي اكەلۋ ارەكەتى توقتاتىلدى، 4 جۇك كولىگى ۇستالدى، ولار تاۋارعا ىلەسپە قۇجاتتارعا سايكەس ۇساقتالعان استىقتى تاسىمالدادى.
زاڭسىز اكەلۋ فاكتىسىنىڭ جولىن كەسۋ بويىنشا ءىس-شارالاردى قوستاناي وبلىسى بويىنشا مكد قىزمەتكەرلەرى جۇرگىزدى.
ۇستالعان جۇك اكىمشىلىك جاۋاپكەرشىلىك شارالارىن قولدانۋ ءۇشىن اگروونەركاسىپتىك كەشەندەگى مەملەكەتتىك ينسپەكسيا كوميتەتىنىڭ اۋماقتىق بولىمشەسىنە بەرىلدى.
تاۋارلاردى ەاەو ەلدەرىمەن شەكارا ارقىلى زاڭسىز وتكىزۋدىڭ جولىن كەسۋ جونىندەگى ءىس-شارالار تۇراقتى نەگىزدە جۇرگىزىلەدى.