قالا تۇرعىنى ءوزىنىڭ قىلمىستىق ارەكەتتەرىن جاسىرۋ ماقساتىندا، جۇبايىنىڭ اتىنان دارا كاسىپكەرلىك اشىپ، جيھاز قۇراستىرۋ ءۇشىن وندىرىستىك ءۇي-جايدى جالعا العان، دەپ حابارلايدى aqshamnews.kz.
"Instagram" الەۋمەتتىك جەلىسىندە جيھازدايىنداۋ تۋرالى حابارلاندىرۋ بەينەروليكتەرىن جاريالاعان. كاسىپكەرلىك قىزمەتتىڭ كورىنىسىن جاساي وتىرىپ، تاپسىرىس بەرۋشىلەردىڭ ۇيىنە كەلىپ، وزىنە تيەسىلى ەمەس باسقا جۇمىستاردىڭ فوتوسۋرەتتەرىن كورسەتىپ، جابىرلەنۋشىلەردى الداعان.
ءتيىستى ولشەۋلەر جۇرگىزە وتىرىپ، دارا كاسىپكەر اتىنان شارت جاساسىپ، جابىرلەنۋشىلەردەن تاپسىرىس سوماسىنىڭ 70% مولشەرىندە الدىن-الا تولەم الىپ وتىرعان. وسىنداي تاسىلمەن 20 جابىرلەنۋشىگە 8،4 ملن تەڭگە كولەمىندە شىعىن كەلتىرىلگەن.
باستى سوت تالقىلاۋىندا سوتتالۋشى جابىرلەنۋشىلەرمەن ازاماتتىق-قۇقىقتىق قاتىناس بولۋىنا سىلتەمە جاساي وتىرىپ، كىناسىن مويىندامادى. مەملەكەتتىك ايىپتاۋشى-پروكۋرورمەن ونىڭ كىناسى تولىق دالەلدەندى.
كىنالى ادام بىرنەشە رەت جاساعان الاياقتىق ءۇشىن 4 جىل باس بوستاندىعىنان ايىرۋ جازاسىنا سوتتالدى. كىنالىدەن جابىرلەنۋشىلەردىڭ پايداسىنا كەلتىرىلگەن ماتەريالدىق شىعىن ءوندىرىلدى.
ۇكىم زاڭدى كۇشىنە ەندى.
قالا پروكۋراتۋراسى قىراعى بولۋدى، تاڭدالعان قىزمەتتىڭ ناتيجەلەرىنىڭ دۇرىستىعىنا كوز جەتكىزۋدى، سونىمەن قاتار ءوز جۇمىسى ءۇشىن تومەن باعا ۇسىناتىن ادامدارعا سەنبەۋدى ەسكەرتەدى، ويتكەنى بۇنىڭ ءبارى الاياقتىقتىڭ بەلگىسى بولۋى مۇمكىن.