كينو اپتالىعىنا 47 ەلدەن 130-دان استام كينويندۋستريا، مادەنيەت مينيسترلىكتەرى وكىلدەرى مەن ساراپشىلار دەلەگات رەتىندە قاتىسۋدا، دەپ حابارلايدى aqshamnews.kz.
تالقىلاۋدىڭ نەگىزگى تاقىرىبى – كرەاتيۆتى يندۋستريانى دامىتۋ. قاتىسۋشىلار كرەاتيۆتى سالانى دامىتۋ جانە قولداۋ ستراتەگيالارى، الەمدەگى ماڭىزدى ترەندتەر تۋرالى ويلارىن ورتاعا سالدى. بۇل باعىتتا قازاقستاندا اتقارىلىپ جاتقان جۇمىستار تۋرالى مادەنيەت جانە اقپارات ۆيسە-مينيسترى ەۆگەنيي كوچەتوۆ ايتىپ بەردى. ۆيسە-مينيستر كرەاتيۆتى يندۋستريانى قولداۋعا ارنالعان زاڭناماداعى جاڭاشىلدىقتار مەن قازاقستانداعى تالانتتاردى ىنتالاندىرۋ باعىتىنداعى باسقا دا شارالارعا توقتالدى.
«ەلىمىزدىڭ بارلىق ايماقتارىندا كرەاتيۆتى جانە يننوۆاسيالىق ورتالىقتار سياقتى مامانداندىرىلعان ينفراقۇرىلىمدى دامىتۋ جوبالارى جۇزەگە اسىرىلىپ جاتىر. سونىمەن قاتار، ەلىمىزدە قولداۋ كورسەتۋدىڭ ماڭىزدى اسپەكتى – كرەاتيۆتى يندۋستريا مەن يننوۆاسيا سالاسىنداعى مامانداردى دايارلاۋعا باعىتتالعان ءبىلىم بەرۋ باعدارلامالارىن ازىرلەۋ»، - دەپ اتاپ ءوتتى ەۆگەنيي كوچەتوۆ.
سونداي-اق، كينو اپتالىعى اياسىندا 300-دەن استام شەتەلدىك فيلمدەردىڭ كورسەتىلىمى جوسپارلانعان.