الماتىدا «اتامەكەن» وڭىرلىك كاسىپكەرلەر پالاتاسىنىڭ الاڭىندا شىڭجاڭ بيزنەس-پالاتاسىنىڭ وكىلدىگى اشىلدى. اعىمداعى جىلدىڭ ءساۋىر ايىندا قىتايداعى «اتامەكەن» ۇكپ حالىقارالىق ىنتىماقتاستىق الاڭىن اشقان-تىن. ناتيجەسىندە ۇلگى بولاتىن تۇراقتى سيپاتتاعى ىنتىماقتاستىق جولعا قويىلىپ، الماتى قالاسىندا ءىرى حالىقارالىق بيزنەس-جوبانى ىسكە اسىرۋ جۇرگىزىلۋدە. جۇڭگو وكىلدىگى دە وسىنداي قاعيدات بويىنشا جۇمىس ىستەۋگە نيەتتى: قىتايلىق سەرىكتەستەرمەن جۇمىس ىستەگىسى كەلەتىن قازاقستاندىق بيزنەسمەندەردىڭ وتىنىمدەرىن قابىلدايدى جانە ولاردى سۋار ۇكىمەتىنە جولدايدى.
شىڭجان بيزنەس-وكىلدىگىنىڭ اشىلۋ سالتاناتىنا الماتىعا اسپان استى ەلىنەن قوناقتاردىڭ ۇلكەن دەلەگاسياسى كەلدى. ونىڭ قۇرامىنا: ءۇرىمشى قالاسىنىڭ ەكونوميكالىق جانە تەحنولوگيالىق دامۋ ايماعى پارتيا كوميتەتى حاتشىسىنىڭ ورىنباسارى، پارتيا كوميتەتى حاتشىسىنىڭ ورىنباسارى، ءۇرىمشى قالاسىنىڭ ەكونوميكالىق جانە تەحنولوگيالىق دامۋ ايماعى كوممەرسيا باسقارماسىنىڭ ديرەكتورى، سونداي-اق ەنەرگەتيكا، زاماناۋي تەحنولوگيالاردى دامىتۋ، ونەركاسىپتىك جانە تاماق وندىرىسىندە كاسىبىن ورگە دومالاتىپ وتىرعان ءىرى بيزنەس-كومپانيالاردىڭ باسشىلارى كىردى.
اشىلۋ سالتاناتى مەن حالىقارالىق كەلىسسوزدەر بارىسىندا الماتى قالاسى «اتامەكەن» وكپ ديرەكتورى نۇرسۇلتان شوقانوۆ «اتامەكەن» ۇكپ-نىڭ قىتايدا وكىلدىگىن قۇرۋ دا، الماتىدا سۋار بيزنەس–وكىلدىگىن اشۋ دا حالىقارالىق بيزنەستى دامىتۋ سالاسىنداعى جاھاندىق ىنتىماقتاستىقتىڭ نەگىزگى بولىگى ەكەنىن اتاپ ءوتتى.
الماتىنىڭ بيزنەس-قوعامداستىعى ەلىمىزدە ەڭ اۋقىمدى. مەگاپوليستە 410 مىڭ كاسىپورىن تىركەلگەن. شاھار قارجى جانە تۋريزم ورتالىعى بولىپ قالا بەرەدى، سونىمەن قاتار قازاقستان ءۇشىن تۋريزم، ماشينا جاساۋ، اۆتوموبيل ءوندىرۋ سالاسىنداعى ءبىرقاتار ستراتەگيالىق جوبالار ىسكە اسىرىلۋدا.
«قازاقستاننىڭ 20 ءوڭىرىنىڭ ىشىندە بيزنەستىڭ بەلسەندى ۇلەسى - 25 پايىز، الماتىعا تيەسىلى. سونىمەن قاتار، بۇل قالا ورتالىق ازياعا ودان ءارى شىعۋدىڭ وزىندىك «قاقپاسى» بولىپ تابىلادى. ۇكپ باسشىلىعىن، پارتيا قۇرامىنىڭ، سۋار اكىمشىلىگىنىڭ قاتىسۋىمەن ءۇرىمشى قالاسىندا وتكەن كەزدەسۋلەرىمىز بويىنشا تاجىريبەلىك ناتيجەلەرىمىز بار. شەكارالاس ايماقتاردىڭ ساۋدا-ەكونوميكالىق جانە ىسكەرلىك قاتىناستارى 30 جىل بۇرىن قالىپتاسقان. دەگەنمەن، وكىلدىكتەردىڭ ءوزارا اشىلۋى ولاردى ودان ءارى نىعايتىپ، كەڭەيتۋى كەرەك. قازاقستان مەن جۇڭگو بيزنەسى اراسىنداعى ءوزارا ءىس-قيمىل ءۇشىن ينفراقۇرىلىم قۇرا وتىرىپ، ءبىز ساۋدانى دامىتۋعا جانە ينۆەستيسيالار تارتۋعا عانا ەمەس، سونىمەن قاتار وزىق تەحنولوگيالار ترانسفەرىنە، ادامي كاپيتالدى، قۇزىرەتتەردى دامىتۋعا دا نازار اۋدارامىز. مەن "اتامەكەن" ديرەكتورى، ءماسليحات دەپۋتاتى رەتىندە ناقتى ناتيجەلەرگە قول جەتكىزۋ ءۇشىن بار كۇشىمدى سالامىن جانە ىنتىماقتاستىعىمىز ءساتتى بولدى»، - دەپ سەندىردى نۇرسۇلتان شوقانوۆ.
شىڭجاڭ بيزنەس-سەكتورىنىڭ الەۋەتىن بەينەلەي وتىرىپ، ءۇرىمشى قالاسىنىڭ ەكونوميكالىق جانە تەحنولوگيالىق دامۋ ايماعى پارتيا كوميتەتى حاتشىسىنىڭ ورىنباسارى چەن ي ءۇرىمشى قالاسىنىڭ ەكونوميكالىق جانە تەحنولوگيالىق دامۋ ايماعى - ۇلتتىق دامۋ ايماعىن، اكىمشىلىك اۋدانىن، ەركىن ساۋدا پيلوتتىق ايماعىن، حالىقارالىق قۇرعاق پورت جانە سۋ ايماقتارى كەشەنىن بىرىكتىرەتىن كوپفۋنكسيونالدى كەشەندى ساياباق ەكەنىن ايتتى. ول 490 شارشى شاقىرىم اۋماقتى الىپ جاتىر. بيىلعى جارتىجىلدىقتا عانا ۇرىمشىدە شەتەلدىك كاپيتالى بار تاعى 25 جاڭا كاسىپورىن ىسكە قوسىلدى.
«الماتىدا شىڭجاڭ بيزنەس-وكىلدىگىنىڭ اشىلۋىمەن ءبىز ەكى ەل اراسىنداعى مەموراندۋم مەن ىنتىماقتاستىقتىڭ ناقتى شارتتارىن ىسكە اسىردىق. مۇندا ءبىز قازاقستاننىڭ ەكونوميكالىق دامۋىنىڭ جوعارى دەڭگەيىن، ەكى ەل ءۇشىن ينۆەستيسيالىق مۇمكىندىكتەرىن اتاپ وتۋدەمىز. وسىلايشا، ءبىزدىڭ كاسىپكەرلەردى دامىتۋ جانە ولارعا قىزمەت كورسەتۋ ورتالىعىنىڭ ميسسياسى وتە ماڭىزدى: ول قازاقستاندا بيزنەس اشۋ ءۇشىن قىتايدا جۇمىس ىستەگىسى كەلەتىن قازاقستان كاسىپكەرلەرىنە جانە قىتايدىڭ كاسىپكەرلەرىنە جوعارى ساپالى قىزمەت كورسەتەتىن بولادى. سوندىقتان، «اتامەكەن» ۇلتتىق كاسىپكەرلەر پالاتاسى ءبىزدىڭ كاسىپكەرلەرگە قازاقستاندا قولايلى جانە الەۋەتتى سەرىكتەستەر تابۋعا كومەكتەسەدى دەپ سەنەمىن. مەن بۇل ءىس-شارانىڭ جەمىستى ىنتىماقتاستىققا اپارۋىنا شىن جۇرەكتەن تىلەكتەسپىن. قازاقستان مەن جۇڭگو اراسىنداعى ەكونوميكالىق جانە ساۋدا ىنتىماقتاستىعىن دامىتۋ ءۇشىن بىرلەسىپ جۇمىس ىستەيىك»، - دەپ اتاپ ءوتتى چەن ي.
شىڭجاڭ بيزنەس-پالاتاسى وكىلدىگىنىڭ الاڭىندا «چجۋنيا حۋليان» بيزنەس-ينكۋباتورى دا جۇمىسىن باستاپ كەتتى. بيزنەس-ينكۋباتور ۇيىمداستىرعان العاشقى ناتيجەلى شارالارىنىڭ ءبىرى قازاقستاندا، اتاپ ايتقاندا الماتىدا جاڭا كاسىپورىندار اشۋعا قاراجات سالعىسى كەلەتىن قىتايدان كەلگەن ينۆەستورلاردىڭ جەرگىلىكتى كاسىپكەرلەرمەن كەزدەسۋى بولدى.
«الماتىداعى بيزنەس وكىلدىگىنىڭ 100 پايىز قۇرىلتايشىسى – ۇرىمشىدە ورنالاسقان «چجۋنيا حۋليان» حالىقارالىق بيزنەس-ينكۋباتورى. سونداي-اق سيان، چەندۋ، شەنچجەن قالالارىندا بىرنەشە فيليالدارىمىز بار جانە ءبىز قازاقستان بيزنەسىنە تاۋارلاردى ىلگەرىلەتۋگە، ەسەپتىك، قۇقىقتىق پروسەدۋلارىن رەتتەۋگە، قىتايداعى تاۋارلاردى، زاۋىتتاردى ىزدەۋگە كومەكتەسەمىز. بيزنەستى تولىق سۇيەمەلدەۋ جانە قازاقستان كاسىپكەرلەرىنە قىتايدا ىڭعايلى بولۋعا كومەكتەسۋ، قۇجاتتاردى بەيىمدەۋ جانە سۇيەمەلدەۋ. جالپى، ءبىز وسى جەردە، الماتى قالاسىنىڭ «اتامەكەن» پالاتاسىندا وتىنىمدەر قابىلدايمىز جانە تيىسىنشە، باس كەڭسە وسى اقپاراتتىڭ بارلىعىن قىتايدىڭ وزىندە وڭدەيتىن بولادى. بىرلەسكەن جوبالار بار، قازاقستاندىق بيزنەس تاراپىنان وتە قىزىقتى ۇسىنىستار بولدى، ءبىز بۇل اقپاراتتى قىتايلىق ينۆەستورلارعا بەردىك، بۇدان ءارى بايلانىس ورناتىپ، وسى باعىتتا جۇمىس ىستەيتىن بولامىز»، - دەپ بيزنەس-ينكۋباتوردىڭ جۇمىسى تۋرالى «SIIP Silk Way International Innovation Park» ج ش س باس ديرەكتورى دانيار تۇرسىنبەكوۆ اڭگىمەلەپ بەردى.
جۇڭگو بيزنەس-وكىلدىگى الماتى قالاسىندا «اتامەكەن» وكپ الاڭىندا جۇمىس ىستەيتىن بولادى. تاراپتار تۇراقتى كەرى بايلانىس تەتىگىن قۇرۋدى جانە ەكى ەلدىڭ رەسۋرستارىن، ونىمدەرى مەن ونەركاسىبىن تانىستىرۋ ءۇشىن كورمە زالدارىن ءجيى ۇيىمداستىرۋدى، بىرلەسكەن يندۋستريالىق پاركتەر جانە ت.ب. قۇرۋدى جوسپارلاپ وتىر. جانە ەرتەڭ ەكى ەل كاسىپكەرلەرىنىڭ كەزدەسۋى وتەدى.