قازاقستاندىق FlyArystan اۋەكومپانياسى رەيستەرىنىڭ كەشىگۋ سەبەپتەرىن اتاپ، مۇنداي جاعدايلاردا جولاۋشىلارعا قانداي قولداۋ شارالارى كورسەتىلەتىنىن ايتتى، - دەپ حابارلايدى flmaty-akshamy.kz.
اۋەتاسىمالداۋشى رەيستەردىڭ كەشىگۋى مەن توقتاتىلۋىن بولدىرماۋ ءۇشىن بارلىق شارانى قابىلدايتىنىن، وكىنىشكە قاراي، اۋەكومپانيانىڭ باقىلاۋىنان تىس جاعدايلار دا ورىن الۋى مۇمكىن ەكەنىن ايتتى. اتاپ ايتقاندا:
- اۋا رايى جاعدايلارى؛
- تابيعي اپاتتار؛
- ۇشاق قوزعالتقىشىنا قۇستاردىڭ ءتۇسىپ كەتۋى؛
- باسقا دا كۇتپەگەن جاعدايلار.
مۇنداي جاعدايدا جولاۋشىلارعا قولداۋ رەتىندە كەلەسى قىزمەتتەر ۇسىنىلادى:
- رەيس ستاتۋسى 2 ساعاتتان ارتىق ۋاقىتقا وزگەرگەندە - سالقىن سۋسىندارمەن قامتاماسىز ەتىلەدى؛
- رەيس ستاتۋسى 4 ساعاتتان ارتىق ۋاقىتقا وزگەرگەندە - ىستىق تاماق ۇسىنىلادى؛
- رەيس ستاتۋسى 5 ساعاتتان ارتىق ۋاقىتقا وزگەرگەندە، جولاۋشىلار ورىن بولعان جاعدايدا جاقىن اراداعى رەيسكە ءبىر تەگىن قايتا برونداۋدى جۇزەگە اسىرا الادى.
ال اۋەكومپانيا كەسىرىنەن بولاتىن كەشىگۋ سەبەپتەرى كەلەسىدەي بولۋى مۇمكىن:
- وندىرىستىك سەبەپ؛
- تەحنيكالىق سەبەپ.
اۋەتاسىمالداۋشى كەسىرىنەن رەيس ستاتۋسى وزگەرگەن جاعدايدا جولاۋشىلارعا تومەندەگىدەي قىزمەتتەر ۇسىنىلۋى ءتيىس:
- جەتى جاسقا دەيىنگى بالامەن ساياحاتتايتىن جولاۋشى انا مەن بالا بولمەسىمەن (بولعان جاعدايدا) قامتاماسىز ەتىلەدى؛
- رەيس ستاتۋسى ەكى ساعاتتان ارتىق ۋاقىتقا وزگەرگەن جاعدايدا جولاۋشى سۋسىنمەن قامتاماسىز ەتىلەدى. سونداي-اق ۇزاقتىعى بەس مينۋتتان اسپايتىن ەكى رەت قوڭىراۋ شالۋعا (سونىڭ ىشىندە حالىقارالىق جەلىگە) نەمەسە ەلەكتروندى پوشتا ارقىلى ەكى حابارلاما جىبەرۋگە قۇقىلى؛
- رەيس ستاتۋسى 4 ساعاتتان ارتىق ۋاقىتقا وزگەرگەن جاعدايدا - ىستىق تاماق بەرىلەدى؛
- رەيس ستاتۋسى كۇندىز 8 ساعاتتان ارتىق جانە تۇندە 6 ساعاتتان ارتىق ۋاقىتقا وزگەرگەن جاعدايدا، جولاۋشىلار قوناق ۇيگە ورنالاستىرىلۋعا ءتيىس. بۇدان بولەك اۋەجايدان قوناق ۇيگە دەيىن جانە كەرى باعىتتا ترانسفەرمەن قامتاماسىز ەتىلەدى؛
- رەيس ستاتۋسى 5 ساعاتتان ارتىق ۋاقىتقا وزگەرگەن بولسا، تاڭداۋىنا قاراي جولاۋشىلار كەلەسى نۇسقالاردىڭ ءبىرىن راسىمدەي الادى:
- جاقىن اراداعى رەيسكە ءبىر تەگىن قايتا برونداۋ - ورىندار بولعان جاعدايدا؛
- قايتا برونداۋ مۇمكىن بولماسا، بيلەت قۇنى تولىق قايتارىلادى.
قىزمەت الۋ ءۇشىن جولاۋشىلار اۋەجايداعى اۋەكومپانيا وكىلدەرىنە جۇگىنۋى قاجەت. ەگەر جولاۋشىلار ءتيىستى وكىلدەرگە جۇگىنە الماسا، اۋەكومپانيا تولەمدى راستايتىن قۇجاتتاردى ۇسىنعانعان جاعدايدا، ءقوناقۇي جانە تاماقتانۋ شىعىندارىن وتەۋگە دايىن ەكەنىن جەتكىزدى.