دۇنيەجۇزىلىك دەنساۋلىق ساقتاۋ ۇيىمى COVID-19 اۋرۋىنىڭ كوبەيۋىنە بايلانىستى بەتپەردە كيۋگە شاقىردى، دەپ حابارلايدى اlmaty-akshamy.kz.
ددسۇ باسشىسى تەدروس گەبرەيەسۋس كوپتەگەن ەلدە بىرنەشە اپتا ىشىندە سىرقاتتار سانىنىڭ ارتۋىنا بايلانىستى بارلىعىن بەتپەردە كيۋگە جانە COVID-19-عا قارسى ۆاكسينا الۋعا شاقىردى.
COVID-19، تۇماۋ جانە باسقا قوزدىرعىشتار تۋدىراتىن رەسپيراتورلىق اۋرۋلار سانى بىرنەشە اپتا ىشىندە كوپتەگەن ەلدە ءوستى جانە بۇل مەرەكەلەردەن كەيىن دە ارتۋى مۇمكىن دەگەن بولجام بار، - دەپ جازدى تەدروس ح الەۋمەتتىك جەلىسىندەگى پاراقشاسىندا.
وسىعان بايلانىستى ول بارلىعىن COVID-19-كە تەست تاپسىرۋعا جانە قاجەت بولعان جاعدايدا مەديسينالىق كومەككە جۇگىنۋگە شاقىرادى.
جۇقپالى اۋرۋدان ساقتانۋ ءۇشىن ماسكا كيىپ، قاشىقتىقتى ساقتاڭىز. ءوزىڭىز ۆاكسينا الىڭىز جانە جاقىندارىڭىز COVID-19 پەن تۇماۋعا قارسى ۆاكسيناسيالانعانىنا كوز جەتكىزىڭىز، - دەدى ددۇ باسشىسى.