ونىڭ 1ء-ى ۇل بالا بولسا، 2ء-ى قىز بالا
قىزىلوردا وبلىستىق پەريناتالدىق ورتالىعىندا 2023 جىلدىڭ 8 جەلتوقسان كۇنى ۇشەم دۇنيەگە كەلدى، دەپ حابارلايدى اlmaty-akshamy.kz.
نارەستەرلەر اناسىنىڭ جۇكتىلىگىنىڭ 33ء-شى اپتاسىندا ءومىر ەسىگىن اشتى.
قىزىلوردا قالاسىندا تۇراتىن 28 جاستاعى اقبوتا ءابساتتار مەن 30 جاستاعى نۇرسۇلتان قازبەك سانيتارلىق-ەپيدەميولوگيالىق باقىلاۋ سالاسىندا قىزمەت اتقارادى.
ولاردىڭ بۇدان بولەك 2 جاسار جانتورە اتتى ۇلى بار.
نارەستەلەردىڭ دۇنيەگە كەلگەندەگى سالماعى — 1830، 1670، 1200 گرامم بولدى. نارەستەلەر بىرنەشە مينۋت ايىرماشىلىقپەن دۇنيەگە كەلدى.
شاقالاقتار 1 ايعا جۋىق وبلىستىق پەريناتالدىق ورتالىعى دارىگەرلەردىڭ ءجىتى باقىلاۋىندا بولىپ، تۇراقتى ەم قابىلدادى.
قازىرگى تاڭدا سابيلەردىڭ جانە اناسىنىڭ جاعدايى جاقسى. نارەستەلەردىڭ ەسىمىن اتا-اجەسى ءالينۇر، ادينا، مەدينا دەپ قويدى.
ابساتتار اقبوتا ءوزىنىڭ جۇكتىلىگى تۋرالى 6-شى اپتادا بىلگەن. دارىگەرلەر العاشقى تەكسەرۋدە ەگىزدەر بولۋى مۇمكىن ەكەنىن بولجاسا، 8ء-شى اپتادا ۇشەم ەكەنىن راستادى.
«بۇل مەن ءۇشىن كۇتپەگەن جاڭالىق بولدى. جۇكتىلىك قالاي وتەدى ەكەن، بالالاردىڭ دامۋى، جەتىلۋى قالاي بولادى ەكەن دەپ ۋايىمدادىم»، — دەيدى اقبوتا ءابساتتار.