بۇل تۋرالى يندۋستريا جانە ينفراقۇرىلىمدىق دامۋ مينيسترلىگى ايتتى.
رەيس كەشىككەنى ءۇشىن قازاقستاندىق جولاۋشىلارعا تولەنەتىن وتەماقى مولشەرى ءوسۋى مۇمكىن، دەپ حابارلايدى Almaty-akshamy.kz.
«قازىرگى ۋاقىتتا رەيس كەشىكتىرىلگەن جاعدايدا، اۋەكومپانيالار جاۋاپكەرشىلىگىن كۇشەيتۋ ماقساتىندا قولدانىستاعى زاڭناماعا تۇزەتۋلەر ەنگىزۋ قاراستىرىلىپ جاتىر. وسى جۇمىس اياسىندا رەيس كەشىكتىرىلگەن جاعدايدا، جولاۋشىلارعا تولەنەتىن ايىپپۇل كولەمىن ۇلعايتۋ ماسەلەسى قاراستىرىلىپ جاتىر»، - دەدى مينيسترلىك وكىلدەرى.
ۆەدومستۆو ازاماتتاردىڭ قۇقىعىن ساقتاماعانى ءۇشىن Air Astana اۋەكومپانياسىنا ءتورت رەت ايىپپۇل سالعانىن ءتۇسىندىرىپ، تەرگەۋ ءالى جالعاسىپ جاتقانىن، جاڭا زاڭ بۇزۋشىلىقتار انىقتالسا، تاسىمالداۋشىلار قولدانىستاعى زاڭناماعا سايكەس ءتيىستى جاۋاپكەرشىلىككە تارتىلاتىنىن ايتتى.