سوتقا دەيىنگى تەرگەۋ باستالدى.
قالانىڭ «سپۋتنيك» تۇرعىن ءۇي كەشەنىندە ءولى تابىلعان ايەل مەن ەكى بالاعا قاتىستى كىسى ءولتىرۋ دەرەگى بويىنشا ءىس قوزعالدى، دەپ حابارلايدى Almaty-akshamy.kz
«ايەل مەن ونىڭ ەكى بالاسىنىڭ دەنەسى 6 تامىز كۇنى قالاداعى تۇرعىن ءۇي كەشەندەرىنىڭ بىرىنەن تابىلدى. ەكى ءبۇلدىرشىننىڭ مايىتىندە زورلىق-زومبىلىق ءىزى بولعان. پوليسيا دەپارتامەنتى كىسى ءولتىرۋ دەرەگى بويىنشا سوتقا دەيىنگى تەرگەۋدى باستادى. ءتيىستى ساراپتامالىق زەرتتەۋلەر تاعايىندالدى. سونداي-اق، ۆيدەوماتەريالدار زەرتتەلىپ، كۋاگەرلەردەن جاۋاپ الىنىپ جاتىر. الماتى قالالىق پروكۋراتۋراسى قىلمىستىق ءىستى ەرەكشە باقىلاۋىنا الدى»، - دەپ حابارلادى قالالىق پروكۋراتۋرادان.
6 تامىز كۇنى «مامىر» شاعىناۋدانىنداعى پاتەرلەردىڭ بىرىنەن 34 جاستاعى ايەل مەن ونىڭ 2015 جىلعى جانە 2020 جىلى تۋعان بالالارىنىڭ دەنەسى تابىلعان.