وڭىرلىك كوممۋنيكاسيالار قىزمەتىنىڭ ونلاين الاڭىندا «الماتى حالىقارالىق اۋەجايى» اق جەردە قىزمەت كورسەتۋ جانە ءوندىرىس جونىندەگى اعا ۆيسە-پرەزيدەنتى زيتسەرس سيمونستىڭ قاتىسۋىمەن قازاقستان رەسپۋبليكاسى كولىك قىزمەتكەرلەرى كۇنىنە ارنالعان بريفينگ ءوتتى، دەپ حابارلايدى اlmaty-akshamy.kz.
پاندەميا كەزىندە اۋەجاي كىرىسىنىڭ 2/3 بولىگىن جوعالتتى. بۇگىندە الماتى پوستپاندەميا كەزەڭىندە ءومىردىڭ بارلىق سالاسى، سونىڭ ىشىندە اۆياسيا سالاسى بەلسەندى تۇردە قالپىنا كەلتىرىلۋدە: رەيستەر قايتا جاندانۋدا، جاڭا باعىتتار اشىلۋدا.
زيتسەرس سيمونس حالىقارالىق اۋەجايىنىڭ وكىلى ادامداردىڭ قايتا ساياحاتتاي باستاعانى ىشكى جانە حالىقارالىق اۆياسيا ءۇشىن وتە جاقسى بەلگى ەكەنىن اتاپ ءوتتى.
«ءبىز بولاشاقتا اۋە كولىگىنە سۇرانىستىڭ ارتا تۇسەتىنىن كورىپ وتىرمىز. قازاقستانداعى الماتى حالىقارالىق اۋەجايى قازاقستاننىڭ نەگىزگى اۋە قاقپاسى بولىپ تابىلادى. قازىرگى كەزەڭدە ءبىز ءوسىپ كەلە جاتقان جولاۋشىلار اعىنىن جەڭۋگە كومەكتەسەتىن جاڭا تەرمينال سالۋ قاجەتتىلىگىن كورىپ وتىرمىز»، - دەپ اتاپ ءوتتى وكق بريفينگىنىڭ سپيكەرى.
زيتسەرس سيمونس اۆياسيا ۇزاق مەرزىمدى جوسپارلاۋدى قاجەت ەتەدى دەپ سانايدى. قانداي ۇشاق جاساۋ كەرەك، ولاردا كىم جانە قانداي ماسشتابتا ۇشادى؟ سونداي-اق جۋرناليستەر ساۋالىنا جاۋاپ بەرگەن سپيكەر الماتى اۋەجايىنىڭ ىشكى تەرمينالىن جاڭاسىنىڭ قۇرىلىسى اياقتالىپ، ىسكە قوسىلعاننان كەيىن بىردەن قايتا قۇرۋ جوسپارلانىپ وتىرعانىن ايتتى.
«ءبىز قازىرگى تەرمينالدى مۇمكىندىگىنشە جاقسارتۋعا تىرىسامىز. وسىدان ءبىر اي بۇرىن ىشكى تەرمينالدىڭ التىنشى وتىرعىزۋ سەكتورىندا جوندەۋ جۇمىستارى اياقتالدى، ونىڭ اۋدانى بۇرىن 177 شارشى مەتر بولسا، ءقازىر 850. ەكى شىعابەرىستىڭ ورنىنا ءقازىر تورتەۋى بار. زالدار كەڭەيدى»، - دەپ تۇيىندەدى زيتسەرس سيمونس.