بۇل سپورتشىلاردىڭ ءارقايسىنىڭ ەرىكتى تاڭداۋى بولدى.
ق ر رەگبي بويىنشا ۇلتتىق ايەلدەر قۇراماسىنىڭ، سونداي-اق «ازيا سپورت» رەگبي كلۋبى مەن جاعاجاي ۆولەيبولىنان ق ر قۇراماسىنىڭ ويىنشىلارى كوروناۆيرۋسقا قارسى نەلىكتەن ەكپە العانى تۋرالى ايتتى، دەپ حابارلايدى Almaty-akshamy.kz.
رەگبي بويىنشا ق ر ۇلتتىق ايەلدەر قۇراماسىنىڭ مۇشەسى دايانا قازىبەكوۆا ۆاكسينادان كەيىن ءوزىن جاقسى سەزىنگەنىن، كەلەسى كۇنى جاتتىعۋعا كىرىسكەنىن ايتتى. ونىڭ كومانداسىندا بارلىق سپورتشىلار جاتتىقتى، بۇل ءارقايسىنىڭ ەرىكتى تاڭداۋى بولدى.
«ءبىز ىندەت ۋاقىتىندا جالعىز جاتتىعۋدان شارشادىق، ويتكەنى رەگبي – بۇل كوماندالىق ويىن. ءبىز جارىسقا قاتىسىپ، جانكۇيەرلەردىڭ قولداۋىن كورگىمىز كەلەدى. مۇمكىن، ءبىزدىڭ وسى شەشىمىمىز باسقالار ءۇشىن ۇلگى بولار. بۇگىندە ۆاكسينا الۋ وتە ماڭىزدى»، - دەدى دايانا.
ونىمەن كوماندانىڭ تاعى ءبىر مۇشەسى، رەگبي بويىنشا حالىقارالىق دارەجەدەگى سپورت شەبەرى ديانا ابىشيەۆا دا كەلىسەتىنىن ءبىلدىردى.
«مەن ءبىرىنشى بولىپ ۆاكسينا الدىم. مەنەن كەيىن كوماندادان تاعى ءۇش قىز ەكپە الدى. سپورتشىلار جارىستارعا قاتىسۋ ءۇشىن ۇنەمى جولدا جۇرەدى، سوندىقتان بىزگە قالامىز بەن رەسپۋبليكامىزدىڭ وزگە وڭىرلەرىنە بارعاندا الاڭسىز ءجۇرۋ ءۇشىن ۆاكسينا الۋ ماڭىزدى»، – دەيدى ديانا.
ۆاكسينا العان قالا تۇرعىندارىنىڭ اراسىندا حالىقارالىق دارەجەدەگى سپورت شەبەرى، «ازيا سپورت» رەگبي كلۋبىنىڭ ويىنشىسى سەرگەي دەنيسيۋك تا بار. ول ۆاكسينا ويلاپ تابىلىپ، ەكپە الاتىنىن ىندەتتىڭ باسىندا ءبىلدى.
«بۇل مۇمكىندىك پايدا بولعاننان كەيىن مەن ەكپە پۋنكتىنە بارىپ، ۆاكسينا الدىم. وسى ۋاقىت ىشىندە سۇيىكتى ىسىممەن اينالىسا المادىم. سپورتشى ءۇشىن بۇل قيىن. ۆاكسينانى ويلاپ تاپقاندارى جاقسى بولدى. بىزگە قالىپتى ومىرگە ورالۋعا مۇمكىندىك بەرىلدى. بۇل - قاراپايىم ءومىردى باستاۋدىڭ جالعىز جولى. كوماندا دارىگەرى الماتىدا ۆاكسينا پايدا بولعانىن ايتتى. سونداي-اق، مەنىڭ وتباسىم بار، بالام ءوسىپ كەلەدى، سوندىقتان ولاردى قورعاۋ - مەنىڭ مىندەتىم. ينەكسيا ەشقانداي اسقىنۋسىز ءوتتى. مەن بارىنە ۆاكسينا جاساۋعا كەڭەس بەرەمىن»، - دەيدى سەرگەي دەنيسيۋك.
جاعاجاي ۆولەيبولىنان ق ر قۇراماسىنىڭ مۇشەسى سەرگەي بوگاتۋ وتكەن جىلدى قينالا ەسكە الادى. كوروناۆيرۋستىق ىندەت كوپتەن كۇتكەن ءبىرقاتار جارىستاردى توقتاتتى.
«ءبىز ادەتتە شەتەلدە جىلى ەلدەردە جاتتىعامىز. كوروناۆيرۋس بۇعان جول بەرمەدى. ءبىز جابىق زالدا بولدىق. ۆاكسينانىڭ ارقاسىندا العاشقى جيىندارعا شىعۋ مۇمكىندىگى پايدا بولدى»، - دەيدى سەرگەي بوگاتۋ.
بارىنەن بۇرىن سپورتشى اناسىنىڭ دەنساۋلىعىنا الاڭدايدى. سەبەبى جاسى ۇلعايعان جانداردىڭ ينفەكسيانى جۇقتىرۋ ءقاۋپى جوعارى.
«انامدى قورعاۋ ءۇشىن مەن ءوزىمدى قورعادىم. مەنىڭ ويىمشا، ۋاقىت وتە كەلە، ءبىز ۆاكسينانىڭ قاجەت ەكەنىن تۇسىنەمىز. اينالامىزدا ناۋقاس ادامداردىڭ كوپ ەكەنىن كورىپ، ۆاكسينا الۋ ماڭىزدى»، - دەپ جالعاستىردى جاعاجاي ۆولەيبولىنان ق ر قۇراماسىنىڭ ويىنشىسى.
ايتا كەتسەك، الماتىدا مەديسينالىق ۇيىمداردا، مەكتەپتەردە، مادەنيەت، سپورت نىساندارىندا، بازارلار مەن قالانىڭ سوسو-دا 208 ۆاكسينا پۋنكتى جۇمىس ىستەيدى. ولاردىڭ سانىن 250-گە دەيىن ۇلعايتۋ مۇمكىندىگى بار. 1256 ادامنان 307 ەكپە بريگاداسى بار. ەكپەنى كۇن سايىن، دەمالىسسىز الۋعا بولادى.