شتاب وكىلدەرى ءتۇسىندىرۋ جۇمىستارىن جۇرگىزەدى.
قازاقستان استاناسىندا ۇكىمەتتىك ەمەس ۇيىمداردىڭ، ارداگەرلەر قوعامداستىعىنىڭ، ءتۇرلى قاۋىمداستىقتار مەن ساياسي پارتيالاردىڭ بەلسەندى وكىلدەرىنىڭ قاتىسۋىمەن بريفينگ ءوتتى. قاتىسۋشىلار كونستيتۋسيالىق تۇزەتۋلەرگە جانە پرەزيدەنتتىڭ بۇكىلحالىقتىق رەفەرەندۋم وتكىزۋ جونىندەگى باستاماسىنا قولداۋ ءبىلدىردى، دەپ حابارلايدى Almaty-akshamy.kz Baq.kz سىلتەمە جاساپ.
ازاماتتىق بەلسەندىلەر ءوز سوزدەرىندە رەفەرەندۋمدى قوعامدىق قولداۋ رەسپۋبليكالىق شتابىنىڭ قۇرىلعانىن جاريالادى.
شتابتىڭ ۇيلەستىرۋشىسى بولىپ قازاقستان ءماسليحاتتارى دەپۋتاتتارىنىڭ رەسپۋبليكالىق بىرلەستىگى بەلگىلەندى. ونىڭ جەتەكشىسى بولىپ تولەۋبەك تولەۋ ۇلى مۇقاشيەۆ ايقىندالدى.
«ۇسىنىلعان كونستيتۋسيالىق رەفورمالاردىڭ قابىلدانۋىمەن ەلدەگى ساياسي پليۋراليزم مەن باسەكەگە قابىلەتتى دەموكراتيالىق ورتانى دامىتۋ ءۇشىن قاجەتتى جاعدايلار جاسالاتىنىنا سەنىمدى ءبىلدىردى. وسىعان بايلانىستى رەسپۋبليكالىق شتاب كونستيتۋسيالىق رەفورمالاردىڭ نەگىزگى ەرەجەلەرىن كەڭىنەن ءتۇسىندىرۋدى ۇيىمداستىرۋمەن اينالىسادى»، - دەدى شتاب جەتەكشىسى.
جۇمىس ەلىمىزدىڭ بارلىق وڭىرىندەگى ءارتۇرلى اتاۋلى توپتارمەن جۇرگىزىلەدى.
«بۇل ءۇشىن رەسپۋبليكالىق شتابقا كىرگەن ۇيىمداردىڭ جەلىلىك قۇرىلىمىن ەسكەرە وتىرىپ، ونىڭ وكىلدىكتەرى بارلىق وبلىستار مەن رەسپۋبليكالىق ماڭىزى بار قالالاردا جۇمىس ىستەيدى»، - دەپ ءتۇسىندىردى تولەۋبەك مۇقاشيەۆ.