ەل بويىنشا 10 مىڭنان استام سايلاۋ ۋچاسكەسى اشىلعان.
ەلىمىزدەگى شەتەلدىك ديپلوماتيالىق ميسسيا وكىلدەرى كونستيتۋسيالىق رەفورمالار تۋرالى كەڭىنەن ماعلۇمات الدى. سىرتقى ىستەر مينيسترلىگىندە وتكەن باسقوسۋدا رەفەرەندۋم كوميسسياسى وكىلدەرى ەلىمىز ءۇشىن ماڭىزدى شارانىڭ نەگىزگى كەزەڭدەرىنەن باستاپ، رەفەرەندۋمعا قاتىسۋعا قۇقىعى بار ازاماتتار تىزىمىمەن تانىستىردى، دەپ حابارلايدى Almaty-akshamhy.kz Qazaqstan.tv سايتىنا سىلتەمە جاساپ.
قازىرگى تاڭدا ەل بويىنشا 10 مىڭنان استام سايلاۋ ۋچاسكەسى اشىلعان. رەفەرەندۋمدى باقىلاۋعا ءتورت حالىقارالىق ۇيىم مەن 13 مەملەكەتتەن 105 بايقاۋشى تىركەلگەن. ولار - ەۋروپاداعى قاۋىپسىزدىك جانە ىنتكەىماقتاستىق ۇيىمى، تۇرىك ەلدەرى ءسامميتى، تمد ەلدەرى جانە تاعى باسقا بەلدى ۇيىمدار تاراپىنان كەلگەن وكىلدەر. ەلشىلەر رەفەرەندۋم حالىقتىڭ بولاشاعىنا وڭ وزگەرىستەر اكەلەرىنە سەنىمدى.
"رەفەرەندۋم وتكىزۋدىڭ ءوزى - مەملەكەتىڭىز ءۇشىن ۇلكەن ءبىر جەتىستىك. العاشقىسى 1995 جىلى وتكەن. ەڭ ماڭىزدىسى، ءقازىر سوزدەن ىسكە كوشۋ. قازاقستانعا وزگەرىستەر كەلەتىن كۇن الىس ەمەس دەپ ويلايمىن"، - دەدى قازاقستانداعى يسپانيا ەلشىسى حورحە ۋربيولا.