ەلىمىزدىڭ كونستيتۋسياسىنا وزگەرىستەر مەن تولىقتىرۋلار ەنگىزۋ بويىنشا رەفەرەندۋمدا داۋىس بەرۋ اشىق ءارى ءادىل ءوتتى. بۇل تۋرالى بۇگىن ماسكەۋدە وتكەن دوڭگەلەك ۇستەل بارىسىندا ورتالىق ازيا جونىندەگى رەسەيلىك مامان اركاديي دۋبنوۆ ءمالىم ەتتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
ساراپشى رەسپۋبليكا قالالارىندا سايلاۋشىلاردىڭ بەلسەندىلىگىندە بايقالعان ايىرماشىلىق بيلىك جاريالاعان ناتيجەلەردىڭ وبەكتيۆتىلىگىن راستايتىنىن اتاپ ءوتتى.
«بۇل ءادىل جانە اشىق داۋىس بەرۋ بولدى»، - دەدى ا.دۋبنوۆ.
ونىڭ ايتۋىنشا، قازاقستانداعى قاڭتارداعى قايعىلى وقيعالار ءبىرقاتار ساياسي وزگەرىستەرگە سەرپىن بەردى.
«قاڭتارداعى قايعىلى وقيعا – مەملەكەتتى قالپىنا كەلتىرۋ قاجەتتىگىنە اينالدى. بۇل – بۇكىل تمد كەڭىستىگىندەگى تاريحي وقيعا»، - دەدى ول.
ساراپشى قازاقستان كونستيتۋسياسىنا ەنگىزىلگەن وزگەرتۋلەر پرەزيدەنت قاسىم-جومارت توقايەۆتى وتە جاۋاپتى ءارى باتىل باسشى ەتەتىنىن اتاپ ءوتتى.