سوت ۇكىمىمەن جازا تاعايىندالدى
بۇگىن ەكىباستۇز قالالىق سوتى ەكىباستۇز اكىمىنىڭ ورىنباسارى باۋىرجان احمەتوۆكە جانە ونىڭ قاراماعىنداعى تكش ءبولىمى باسشىسىنىڭ ورىنباسارى ا.سادىقوۆ پەن سول ءبولىمنىڭ باس مامانى ك.تۇسىپبەكوۆكە قاتىستى ۇكىم شىعاردى، دەپ حابارلايدى Almaty-akshamy.kz قازاقپارات-قا سىلتەمە جاساپ.
سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتىنشە، جوعارىدا اتالعان ازاماتتار مەملەكەتتىك ساتىپ الۋ شارتتارى بويىنشا ورىندالعان جۇمىستاردىڭ اكتىلەرىنە كەدەرگىسىز قول قويعانى جانە جالپى قامقورلىعى ءۇشىن كاسىپكەرلەردەن جۇيەلى تۇردە پارا الدى دەپ ايىپتالدى.
«سوت ۇكىمىمەن باۋىرجان احمەتوۆكە 8 جىلعا باس بوستاندىعىنان ايىرۋ جازاسى تاعايىندالدى، تۇسىپبەكوۆ پەن سادىقوۆ تيىسىنشە 7 جانە 6 جىلعا باس بوستاندىعىنان ايىرىلدى. ەكىباستۇز قالاسىنىڭ اكىمى ا.قاڭتاربايەۆتىڭ تىكەلەي باسشى رەتىندەگى جاۋاپكەرشىلىگى تۋرالى ماسەلە «مەملەكەتتىك قىزمەت تۋرالى» زاڭنىڭ 60-بابىنىڭ 2-تارماعىنا سايكەس ايىپتاۋ ۇكىمى زاڭدى كۇشىنە ەنگەننەن كەيىن قارالاتىن بولادى»، - دەپ جازدى ۆەدومستۆودان.