1. رەفەرەندۋم ۋچاسكەسىنىڭ شەكاراسىنداعى رەفەرەندۋمعا قاتىسۋشىلار تىزىمدەرىنەن ءوزىن تاپپاعان ازامات دەربەس دەرەكتەرىن جيناۋعا جانە وڭدەۋگە كەلىسىمىن بەرە وتىرىپ، رەفەرەندۋمعا قاتىسۋشىلار تىزىمىنە ەنگىزۋ تۋرالى جازباشا وتىنىشپەن ۋچاسكەلىك رەفەرەندۋم كوميسسياسىنا جۇگىنەدى.
2. ۋچاسكەلىك رەفەرەندۋم كوميسسياسىنىڭ مۇشەسى ازاماتتىڭ جازباشا ءوتىنىشى نەگىزىندە «ەلەكتروندىق ۇكىمەت» پورتالىنىڭ ونلاين-سەرۆيسى (بۇدان ءارى – ونلاين-سەرۆيس) ارقىلى ونىڭ تۇرعىلىقتى جەرى بويىنشا تىركەلگەنى تۋرالى مالىمەتتەردى «2024 جىلعى 6 قازانعا تاعايىندالعان رەسپۋبليكالىق رەفەرەندۋمدا «ەلەكتروندىق ۇكىمەت» پورتالىندا ازاماتتاردى تىركەلگەن جەرى بويىنشا مالىمەتتەردى تەكسەرۋ ونلاين-سەرۆيسىن ىسكە اسىرۋ» الگوريتمىنە سايكەس تەكسەرەدى.
2.1 ونلاين-سەرۆيس بەتىندە ءوتىنىش بەرۋشىنىڭ ءتيىستى رەفەرەندۋم ۋچاسكەسىنىڭ شەكاراسىنداعى اۋماقتا تۇرعىلىقتى جەرى بويىنشا تۇراقتى تىركەلگەنى تۋرالى مالىمەتتەر راستالعان كەزدە، ۋچاسكەلىك رەفەرەندۋم كوميسسياسى ونى رەفەرەندۋمعا قاتىسۋشىلار تىزىمىنە ەنگىزۋ تۋرالى شەشىم قابىلدايدى.
2.2 رەفەرەندۋمنىڭ ءتيىستى ۋچاسكەسىنىڭ شەكارالارىندا تىركەلگەنى تۋرالى مالىمەتتەر بولماعان جاعدايدا، ۋچاسكەلىك رەفەرەندۋم كوميسسياسى ازاماتتىڭ ءوتىنىشى نەگىزىندە قازاقستان رەسپۋبليكاسىنىڭ بۇكىل اۋماعى بويىنشا ازاماتتىڭ تىركەلگەنى (تىركەلمەگەنى) تۋرالى مالىمەتتەردى «E-gov» پورتالىندا ناقتىلايدى.
2.3 ازاماتتىڭ قازاقستان رەسپۋبليكاسىنىڭ شەگىندە باسقا رەفەرەندۋم ۋچاسكەسىندە تىركەلگەنى تۋرالى مالىمەتتەر بولعان جاعدايدا، ۋچاسكەلىك رەفەرەندۋم كوميسسياسى ازاماتقا بۇل تۋرالى تۇسىنىكتەمە بەرەدى.
3. ازاماتتىڭ قازاقستان رەسپۋبليكاسىنىڭ شەگىندەگى باسقا رەفەرەندۋم ۋچاسكەسىندە تىركەلگەنى تۋرالى جانە ازاماتتىڭ قازاقستان رەسپۋبليكاسىنىڭ شەگىندە تۇراقتى تۇرعىلىقتى جەرى بويىنشا تىركەلگەنى تۋرالى مالىمەتتەر بولماعان جاعدايدا، ۋچاسكەلىك رەفەرەندۋم كوميسسياسى ازاماتتى قازاقستان رەسپۋبليكاسى ىشكى ىستەر ءمينيسترىنىڭ مىندەتىن اتقارۋشىنىڭ 2024 جىلعى 9 قىركۇيەكتەگى № 677 بۇيرىعىمەن بەكىتىلگەن حالىقتى تىركەۋ ەرەجەلەرىنىڭ 17-تارماعىنا سايكەس قوسىمشا تەكسەرۋ جانە تىركەۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراسياسى» كوممەرسيالىق ەمەس اكسيونەرلىك قوعامىنىڭ (بۇدان ءارى – حقكو) قىزمەتكەرىنە جىبەرەدى.
4. حقكو قىزمەتكەرى بۇكىل قازاقستان رەسپۋبليكاسىنىڭ اۋماعى بويىنشا ازاماتتىڭ تىركەلگەنى (تىركەلمەگەنى) تۋرالى مالىمەتتەرگە ازاماتتىڭ ءوتىنىشى نەگىزىندە تەكسەرۋ جۇرگىزەدى.
5. ازامات باسقا ءوڭىردىڭ قۇرامىنا كىرەتىن اكىمشىلىك-اۋماقتىق بىرلىكتىڭ اۋماعىندا تىركەلگەن جاعدايدا، حقكو قىزمەتكەرى ازاماتقا ول تۋرالى تۇسىنىكتەمە بەرەدى جانە تىركەۋدەن باس تارتادى.
6. ەگەر ازامات رەسپۋبليكا شەگىندە تۇراقتى تىركەلگەن بولماسا جانە قازاقستان رەسپۋبليكاسىنىڭ بۇكىل اۋماعى بويىنشا رەفەرەندۋمعا قاتىسۋشىلاردىڭ تىزىمىنە ەنگىزىلمەگەن جاعدايدا، حقكو قىزمەتكەرى قاعيدالارعا سايكەس وسى الگوريتمگە 1-قوسىمشاعا ساي عيمارات نەمەسە ءۇي-جاي مەنشىك يەسىنىڭ ءوتىنىشى نەگىزىندە رەفەرەندۋمنىڭ بەلگىلى ءبىر ۋچاسكەسىنىڭ مەكەنجايى بويىنشا رەفەرەندۋمعا قاتىسۋشىنى تۇراقتى تىركەۋدى جۇزەگە اسىرادى.
7. تىركەلگەننەن كەيىن ازامات ونلاين-سەرۆيس ارقىلى تىركەۋدىڭ بار-جوعىن قايتا تەكسەرۋ ءۇشىن ۋچاسكەلىك رەفەرەندۋم كوميسسياسىنىڭ مۇشەلەرىنە جىبەرىلەدى.
8. رەفەرەندۋم ۋچاسكەسىنىڭ مەكەنجايى بويىنشا ازاماتتى تىركەۋدىڭ بار ەكەندىگى ءساتتى راستالعان كەزدە ۋچاسكەلىك رەفەرەندۋم كوميسسياسىنىڭ ءتوراعاسى ونى رەفەرەندۋمعا قاتىسۋشىلار تىزىمىنە ەنگىزۋ تۋرالى شەشىم قابىلدايدى.
9. رەفەرەندۋم اياقتالعاننان كەيىن كەلەسى كۇنى حقكو قىزمەتكەرى عيماراتتىڭ نەمەسە ءۇي-جايدىڭ مەنشىك يەسىنىڭ ءوتىنىشحاتى نەگىزىندە رەفەرەندۋم ۋچاسكەلەرىنىڭ مەكەنجايلارى بويىنشا بۇرىن تىركەلگەن ازاماتتاردى وسى الگوريتمگە 2-قوسىمشاعا سايكەس تىركەۋدەن شىعارادى.
10. قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ تۋرالى زاڭناماسىنىڭ تالاپتارى بۇزىلعان جاعدايدا دەربەس دەرەكتەرگە زاڭسىز قول جەتكىزۋگە بايلانىستى اقپاراتتىق قاۋىپسىزدىك ينسيدەنتتەرى تۋرالى ۋچاسكەلىك رەفەرەندۋم كوميسسيالارىنىڭ مۇشەلەرى دەربەس دەرەكتەردى قورعاۋ سالاسىنداعى ۋاكىلەتتى ورگاندى حاباردار ەتۋى قاجەت.