6 قازاندا وتەتىن رەسپۋبليكالىق رەفەرەندۋمدى ازىرلەۋ مەن وتكىزۋ بويىنشا 2024 جىلعى 16 قىركۇيەكتە ق ر ورتالىق رەفەرەندۋم كوميسسياسىنىڭ كەڭەيتىلگەن وتىرىسى ءوتتى، دەپ حابارلايدى aqshamnews.kz
بۇل وتىرىستا كەلەسى ماسەلەلەر تالقىلاندى:
- مۇگەدەكتىگى بار ادامدار ءۇشىن قولايلى جاعدايلاردى قامتاماسىز ەتۋ؛
- جەرگىلىكتى اتقارۋشى ورگانداردىڭ داۋىس بەرۋ ۋچاسكەلەرىن ماتەريالدىق-تەحنيكالىق جاراقتاندىرۋى، مۇگەدەكتىگى بار ادامداردىڭ قۇقىقتارىن قورعاۋ، سونداي-اق رەسپۋبليكالىق رەفەرەندۋمعا قاتىسۋعا قۇقىعى بار ازاماتتاردىڭ تىزىمدەرىن ۇسىنۋ جونىندەگى جۇمىستارى؛
- رەفەرەندۋم كەزىندە داۋىس بەرۋگە ارنالعان بيۋللەتەندەردى دايىنداۋ؛
- رەفەرەندۋمدا داۋىس بەرۋ ءتارتىبى؛
- حالىقارالىق ۇيىمدار مەن شەت مەملەكەتتەردىڭ بايقاۋشىلارىن اككرەديتتەۋ.
وتىرىسقا ورك مۇشەلەرى، سىرتقى ىستەر مينيسترلىگى، سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى، ىشكى ىستەر مينيسترلىگى وكىلدەرى، سونداي-اق ب ا ق وكىلدەرى قاتىستى. سونىمەن قاتار، وبلىستاردىڭ، استانا، الماتى، شىمكەنت قالالارىنىڭ اۋماقتىق رەفەرەندۋم كوميسسيالارىنىڭ مۇشەلەرى جانە اكىمدىكتەردىڭ وكىلدەرى بەينەكونفەرەنسيا ارقىلى قوسىلدى.
وتىرىستىڭ العاشقى ماسەلەسى بويىنشا ورك مۇشەسى اناستاسيا ششەگورسوۆا بايانداما جاساپ، مۇگەدەكتىگى بار ادامدار ءۇشىن سايلاۋ قۇقىقتارىن قامتاماسىز ەتۋ كوميسسيا قىزمەتىنىڭ باسىمدىعى ەكەنىن اتاپ ءوتتى. ول رەفەرەندۋمعا ارنالعان ۋچاسكەلەردە مۇگەدەكتىگى بار ادامدارعا قولايلى جاعداي جاساۋ بويىنشا قاجەتتى شارالار قابىلدانعانىن جەتكىزدى.
وتىرىستىڭ كەلەسى ماسەلەلەرىندە رەفەرەندۋم ۋچاسكەلەرىن دايىنداۋ، ۋچاسكەلىك كوميسسيالاردىڭ مۇشەلەرىن وقىتۋ جانە ازاماتتاردىڭ داۋىس بەرۋ ءتىزىمىن قالىپتاستىرۋ سياقتى ماڭىزدى ماسەلەلەر قاراستىرىلدى. سونىمەن قاتار، داۋىس بەرۋ كەزىندە بيۋللەتەندەردى دۇرىس تولتىرۋ جانە بايقاۋشىلاردىڭ قاتىسۋ ءتارتىبى ءتۇسىندىرىلدى.
قورىتىندىسىندا، حالىقارالىق بايقاۋشىلاردى اككرەديتتەۋ ماسەلەسى تالقىلاندى. تاۋەلسىز مەملەكەتتەر دوستاستىعى بايقاۋشىلارىنىڭ ميسسياسى جانە بىرنەشە شەت مەملەكەتتەردىڭ بايقاۋشىلارى اككرەديتاسيادان ءوتتى.