2024 جىلعى 16 قىركۇيەكتە ق ر ورتالىق رەفەرەندۋم كوميسسياسىنىڭ ءتوراعاسى نۇرلان ءابدىروۆ تمد بايقاۋشىلار ميسسياسى شتابىنىڭ باسشىسى ولەگ كۋلەبامەن كەزدەسۋ وتكىزدى.
ولەگ كۋلەبا تمد-دان بايقاۋشىلار ميسسياسى شتابىنىڭ اشىلۋى جانە ونىڭ جۇمىسىن باستاۋى تۋرالى مالىمدەدى. ول قازاقستاننىڭ ءتۇرلى وڭىرلەرىندە وتەتىن رەفەرەندۋم ۋچاسكەلەرىندە حالىقارالىق بايقاۋدى جۇزەگە اسىرۋ ماقساتىندا دوستاستىق ەلدەرىنەن 50-گە جۋىق بايقاۋشى تارتۋ جوسپارلانىپ وتىرعانىن اتاپ ءوتتى.
كەزدەسۋ بارىسىندا نۇرلان ءابدىروۆ پەن ولەگ كۋلەبا 2024 جىلعى 6 قازاندا وتەتىن رەسپۋبليكالىق رەفەرەندۋمعا بايلانىستى حالىقارالىق بايقاۋدى ۇيىمداستىرۋ ماسەلەلەرىن تالقىلادى.
نۇرلان ءابدىروۆ تمد-دان كەلگەن بايقاۋشىلار ميسسياسى مەن ق ر ورتالىق رەفەرەندۋم كوميسسياسى اراسىنداعى تىعىز ىنتىماقتاستىقتى اتاپ ءوتىپ، حالىقارالىق بايقاۋشىلاردىڭ قىزمەتىنە قاجەتتى بارلىق جاعدايلاردىڭ جاسالاتىنىن جەتكىزدى.