كارىم ءماسىموۆتى قاماۋدا ۇستاۋ مەرزىمى تاعى ۇزارتىلدى

كارىم ءماسىموۆتى قاماۋدا ۇستاۋ مەرزىمى وسىعان دەيىن بىرنەشە رەت ۇزارتىلعان بولاتىن

ق ر ۇلتتىق قاۋىپسىزدىك كوميتەتىنىڭ ەكس-توراعاسى كارىم ءماسىموۆتى قاماۋدا ۇستاۋ مەرزىمى تاعى ۇزارتىلدى، دەپ حابارلايدى Almaty-akshamy.kz.

«ۇلتتىق قاۋىپسىزدىك كوميتەتىنىڭ شۇعىل-تەرگەۋ توبى ك.ك.ءماسىموۆ، ا.ت.سادىقۇلوۆ، د.ە.ەرعوجين جانە وزگە دە تۇلعالارعا قاتىستى ق ر قىلمىستىق كودەكسىنىڭ 175-بابى 1-بولىگى، 179-بابى 3-بولىگى، 218-بابى 3-بولىگىنىڭ 3-تارماعى، 362-بابى 4-بولىگىنىڭ 3-تارماعى، 366-بابى 4-بولىگى بويىنشا قىلمىستىق ءىستى تەرگەۋدى جالعاستىرىپ جاتىر. 2022 جىلدىڭ 31 مامىرىندا ءماسىموۆ پەن سادىقۇلوۆتى قاماۋدا ۇستاۋ مەرزىمى 2022 جىلدىڭ 6 شىلدەسىنە دەيىن، ەرعوجيندى 2022 جىلدىڭ 13 شىلدەسىنە دەيىن ۇزارتىلدى»، - دەدى ق ر ۇقك باسپا ءسوز قىزمەتىنەن.

كارىم ءماسىموۆتى قاماۋدا ۇستاۋ مەرزىمى وسىعان دەيىن بىرنەشە رەت ۇزارتىلعان بولاتىن. بۇعان دەيىن سوت سانكسيانى 2022 جىلدىڭ 6 ماۋسىمىنا دەيىن بەرگەن ەدى.

ەسكە سالايىق، بيىلعى 6 قاڭتاردا مەملەكەت باسشىسىنىڭ جارلىعىمەن كارىم قاجىمقان ۇلى ءماسىموۆ ق ر ۇلتتىق قاۋىپسىزدىك كوميتەتىنىڭ ءتوراعاسى لاۋازىمىنان بوساتىلىپ، 8 قاڭتاردا ك.ءماسىموۆ جانە وزگە دە تۇلعالار ۇستالىپ، ۋاقىتشا وقشاۋلاعىشقا قامالدى. ولاردىڭ ۇستىنەن مەملەكەتكە ساتقىندىق فاكتىسى بويىنشا سوتقا دەيىنگى تەرگەۋ باستالدى.